
هدير: أقسم بالله أصرخ وأفضحكم في المنطقة يا واطي، اتفو عليك، رجل نجس بقى، يا واطي، محرم نفسك عليّا وبتجري ورا الزبالة، شوفش طيفك في أي مكان.
ممدوح: ولد يا نص.
نص: أيوة يا أستاذ.
ممدوح: مش قولت ليكي خليكي لحد ما أجايي آخدك؟
هدير: أصلك وحشتني، بعد إذنك استاذ معتز، اغسل إيدي من القرف.
معتز: اتفضلي، والله أنا جاي بالصدفة، قولت أجيب أكل وأتغدا معاه علشان عارف إنك مش هنا.
هدير: أنا لسة بدري على ما أفكر أخليه يخلعني، لأن ميشرفنيش أطلب منه الطلاق.
معتز: راحت فين هدير اللي كانت عاملة زي القطة المغمضة؟
هدير: كنت براعي ربنا فيه، واتحملت ما لا يطاق منه ومن غلاسة أصحابه، اللي عوز يكلمني فون، واللي عوز يدفع وأروح معاه شقته أو ياجي هنا، مفيش مشكلة عنده، المهم يفرفش معايا زي البية، مكان بيفرفش مع الزفتة اللي كانت هنا.
مروان: انتي كدابة.
هدير: روح اسأل محمود صاحبك، قوله دراعك الشمال اتكسر كسر مضاعف من مين وليه، هتعرف إنه علشان حط إيده على كتفي.
معتز: انتي مين؟ ممكن أفهم.
هدير: لسة وقت التعارف مجاش يا أنضف أخ بجد.
معتز: ربنا يكرمك، قوم يا سبع من على الأرض، رجالة آخر زمن، أنا هامشي بصراحة، مخي متلخبط جامد.
هدير: بالله عليك متفكرش فيه، أنا الحمد لله كويسة، هاحضر العشا.
معتز مسك مروان من إيده وقومه: مش قولتلك إنها متعلمة وفاهمة الدنيا؟ انت غبي مفهمتش، وكمان هاقولك حاجة، راضى مراتك شكلها مسنودة جامد.
مروان: هههههه، بنت حميدة الشغالة هتكون مسنودة من مين؟
مروان: علشان أثبتلك إنها كدابة، هات فونك كدة.
معتز: اشمعنى؟ خد.
مروان: هاطلب محمود من فونك، أصله بيعطيني ديمًا غير متاح.
معتز قعد جنب مروان: اطلبه، لما نشوف.
مروان: بيعطي جرس اهو، استنى، الوووو.
محمود: السلام عليكم، مين معايا؟
مروان: أنا مروان.



