جوهره كانت قاعدة في أوضتها، لابسة نقابها الأسود، وكتاب في إيدها. كانت هادية، لكن قلبها كان مشغولًا. ليل دخل عليها، وقرب منها بهدوء، وشال النقاب عن وشها. أول ما شاف جمالها، اتراجع خطوة وقال:
«إنتي ازاي كده؟»
جوهره بكبرياء قالت:
«هو ازاي أنا؟ أنا بنت عمك اللي جوزتها، وأنا كمان بنت عمك اللي قلت عليها خافية وشها عشان أكيد معيوبة.»
قرب منها تاني وقال:
«إنتي إزاي بالجمال ده يا جوهره؟ أنا مكنتش عارف إنك كده.»
قاطعته وقالت:
«إنت للأسف اخدت بالمظاهر. إنت هتفضل جوزي على الورق فقط، زي ما إنت قلت.»
هنا اتعصب، وزقها ليل على السرير، وقرب منها وقال:
«على فكرة، إنتي مراتي، وممكن آخد حقي الشرعي منك بكل سهولة.»
جوهره قالت بهدوء:
«إنت عندك حق. أنا مش همنعك. يلا اتفضل.»
ليل قام من عليها بضيق، خد مفاتيحه، وساب الأوضة ونزل.
جوهره قامت، وبصت لنفسها في المرايا. كانت جميلة، بعيون زرقاء ونمش بني وشعر طويل. وقفت تعيط، وقالت بصوت حزين:
«بحبك بكل ألم. وأنا عشقي ليك يزيد مع كل كلمة قاسية بتوجعني بيها.»
مسحت دموعها، وقالت:
«أنا يا إنت يا ليل الزيان.»
خدت هدومها ودخلت الحمام.
ليل ركب عربيته، وراح عند البحر. نزل، وقال:
«فاكرة نفسها إيه؟ دا أنا من بكرة عادي، خالص، أجوز عليها، أجيب ليها درة.»
فجأة ملامحها جت قدامه. رجع في كلامه وقال:
«تؤ، مش عشان واحدة زي دي هتضعف يا ليل.»
في الدوار، العمدة زيان قاعد، وصوته مسموع. قال:
«سناء، حضري الأكل وطلعي للعروسة.»
سناء قالت بضيق:
«ليه يا أبوي؟ هو أنا الخدامة بتاعتها؟ ما تنزل تاكل هنا.»
زيان قام وقف، ومسك عصايته، وقال:
«كلمتي تسمع. تقولي حاضر. إنتي فاهمة ولا مش فاهمة؟»
سناء خافت، خدت الأكل بسرعة، وطلعت بيه لجناح جوهره.
ليل وصل، سلم على الجد، وطلع بسرعة. سناء كانت دخلت بالأكل. جوهره طلعت بطقم جميل هادي، وكانت فتنة من الجمال. سناء اندهشت، والأكل كاد يقع من إيدها، وقالت:
«إنتي جوهره اللي لابسة نقاب أسود؟»
ليل بص بانبهار، وما تكلمش. كان عايز يخبيها من عيون الناس.
جوهره ثقتها في نفسها زادت، وقالت:
«أيوه يا عمه، أنا جوهره البنت اللي قلت عليها كده عشان لبس النقاب.»
سناء جريت عليها وقالت:
«حقك عليا. إنتي اللي مغطية وشك وجمالك بالحاجة دي؟»
جوهره بهدوء:
«ده نقاب مش حاجة تخفي. ده ستر. لا ينقص من جمالنا، بالعكس بيزيدنا نور على نور.»
سناء ارتاحت لكلامها، وقالت:
«هنزل أجيب أكل غير ده، ولينا كلام مع بعض.»
جوهره راحت عند السرير، مسكت مجلة، وكأنها مش شايفة ليل. ليل اتضايق من أسلوبها، ودخل الحمام. جوهره قامت، جابت فرشة، وفرشت على الأرض، ونامت عشان ما تنامش مع الشخص الغريب ده.
في مكان تاني، هاجر قاعدة بتعيط، وقالت:
«أتجوز يا إما أتجوز صاحبة النقاب المعيوبة، ويسيبني أنا؟»
سميه قالت:
«أعملك إيه؟ إنتي اللي ضيعتي من إيدك. مش عرفتي ترسمي عليه دور.»
هاجر قامت وقفت وقالت:
«كنت أعمل إيه يا عني؟»
سميه قالت:
«خلاص، العمل عمل ربنا. دلوقت بقى مع غيرك. بس لو…»
هاجر:
«لو إيه؟ يا ريت تلحقيني بيه على طول.»
سميه:
«تعالي طي، بس تسمعي كلامي بالحرف.»
هاجر قعدت تسمع، والكلام عجبها.
ليل طلع من الحمام، بينشف شعره، وبص حواليه وقال:
«هي فين؟»
فجأة بص على الأرض، شافها نايمة. شعرها مفروض، وخصلات منه جاية على عينيها. ليل سب الفوطة من إيده، ونزل على ركبته، وشالها وهو سرحان في جمالها. جوهره كانت نايمة شبه الملاك الصغير. ليل حطها على السرير، ونام جنبها، وخدها في حضنه، وقال:
«قدرك الأسود إن ربنا وقعك مع واحد زيي.»
عدى اليوم، وجه الصبح. ليل قام من جنب جوهره قبل ما تحس، لبس، وجهز، وطلع من الأوضة. بص لاقاها لسه نايمة، فنزل تحت.
زيان قال:
«نازل من غير مراتك ليه يا ليل؟»
ليل:
«نايمة. لما تصحى تنزل. أنا رايح شغل يا جدي.»
زيان:
«ماشي. لما تخلص شغلك بالليل، تعالى على مكتبي. عاوزك في موضوع ضروري.»
ليل:
«تمام يا جدي.»
سناء قامت وقالت:
«هطلع أصحيها عشان تفطر معانا.»
زيان:
«من امتى الطيبة دي يا أخت سناء؟»
سناء:
«الصراحة يا أبوي، أنا ارتحت ليها أوي امبارح. حاسة إنها ممكن تغير تفكير بنتي هدي.»
زيان ضحك في سره وقال:
«هو دا اللي أنا عاوزه. البنت دي هي اللي تلم الشرق على الغرب.»
جوهره كانت نايمة، مش حاسة بحاجة. فجأة سمعت صوت خبط على الباب. فتحت عيني، حاسة براحة، وقالت:
«إيه دا؟ أنا كنت نايمة على الأرض. إيه اللي جابني على السرير؟»
زاد الخبط. قالت:
«حاضر.»
سناء كانت واقفة على الباب، وحاطة أمل في ربنا إنه بعت جوهره عشان تهدي بنتها هدي. جوهره لبست عباية فضفاضة ونقاب، وروحت تفتح الباب، وقالت:
«خاله سناء، اتفضلي.»
سناء دخلت وقالت:
«آسفة يا بنتي، قلقتك في نومك.»
جوهره بأدب رفعت النقاب وقالت:
«لا لا يا خاله، متقوليش كده. اتفضلي اقعدي.»
قعدت سناء، مسكت إيد جوهره، وقالت:
«أنا عوزاكي في خدمة، مش هنساها ليكي أبدًا.»
جوهره:
«اتفضلي. لو أنا هقدر، أنا تحت أمرك.»
سناء:
«دا العشم يا بنتي. أول حاجة، أنا آسفة من أسلوبي اللي كان معاكي. تاني حاجة، أنا عندي بنت اسمها هدي. كانت في كلية هندسة، وقررت تدرس برا في بلاد الأجانب. من ساعة ما نزلت عندنا في مصر، هي في شغل تيجي آخر الليل. شخصيتها متغيرة، وأنا بداري عليها عشان لو عمك زيان عرف، ممكن يزعل منها.»
جوهره مسكت إيدها وقالت:
«أنا بس أشوفها، هكلم معاها، هحاول أصاحبها إن شاء الله، وأخد بإيدها لطريق الخير، طريق الجنة.»
سناء قامت وقفت، وحطت إيدها على رأس جوهره، وقالت:
«هو دا المطلوب يا بنتي. أنا كمان واثقة فيكي، عشان كده اخترتك.»
جوهره حسّت بطيبة ست سناء، وقالت:
«من عيوني.»
عند سميه، كانت بتلبس عبايتها السمرا، وقالت:
«يلا يا بت يا هاجر، عشان نروح نشوف العروسة اللي اتسمت مرات ليل.»
