
صفاء: والله قمر يا حبيبتي، ربنا يحفظك.
مروان: سلام يا بنات، وخرج: اركبي.
هدير ركبت وهي ساكتة، دماغها شغال، فما سمعت من محادثة بسهام وكذبة.
مروان: شوفي أمك نفسها في إيه، وخدي هاتيه.
هدير: أمي مش نفسها في أي حاجة، تشكر.
مروان: أحسن، وفرتي.
خلي بالك، أنا مش هاجي أتغدا معاكي، أنا كنت بريح الحاج بس، وكمان خليكي متلقحة لحد ما أبقى أجايي آخذك، وإياك أسمع شكوى منك لحد من أهلي.
هدير: حاضر، نزلني هنا الشارع من قدام ضيق.
مروان: أحسن، بروضة، ونزلها، ورجع راح يسلم على أصحابه.
مروان: السلام عليكم.
آدم: وعليكم السلام، هو انت اتزوجت الدكتورة هدير؟ أيوة يا عم، مال وجمال.
مروان: ههههه، شكلك بتخرف، دي دكتورة في حتة، أكلت السمكة حتى ذيلها.
آدم: لا يا خفيف، دي معاها دكتوراه من أمريكا.
مروان: بص، أنا مصدع، عوز شوية شاي وبرشامة صداع، ماشي؟
آدم: عيوني، الولد خيري جاي اهو ومعاه بنته.
مروان: هههههه، حنين أوي خيري.
آدم: هودة المفروض يكون ما أنا مراعي مراتي، ده حتى طلبات البيت أنا اللي باجيبها، الزواج مسؤولية.
مروان: فهمنا يا معلم، اقعد بقى، المهم أخباركم.
خيري: في رضا ونعمة، الحمد لله، وانت عامل إيه مع مراتك؟ دي بنت محترمة، راعي ربنا فيها.
مروان: بقولكم إيه، لو حد فيكم عوز يشتغل معايا في المستشفى معنديش مانع.
خيري: لا يا عمنا، مستورة والحمد لله.
آدم: أنا شغال أنا ومراتي وولادي بوديهم الحضانة، والحمد لله.
هدير: ازيك يا أمي، عاملة إيه؟ وحشاني كتير.
حميدة: انتي اللي وحشاني يا ضي عيني، عاملة إيه؟
هدير: ماشي الحال، الحمد لله، أمال اخواتي فين؟
حميدة: في الدروس، بس مدحت مدوخني شوية، بيتأخر برة.
هدير: هاتكلم معاه، بقولك بنتك جعانة، مأكلتش من امبارح، عوزة أكل كتير.
حميدة: عيوني ليكي يا قلبي.
هدير: عوزة بصل أخضر وجرجير، روحي هاتي، وأنا هاجهز الأكل، خدي مصروف الشهر.
حميدة: لسة معايا.
هدير: ربنا يجعل معاك الخير كله، هاتي فلافل كمان.
حميدة: من عنية، وخرجت.
هدير جهزت الأكل وقعدت فطرت مع حميدة.
حميدة: معلش يا بنتي، احنا السبب في رميتك للبني آدم المعدوم الرحمة هو وأبوه.
هدير: كل شيء مقدر ومكتوب يا أمي.
حميدة: هو كويس معاكي؟
هدير: مفيش ما بينا تعامل أصلًا، هو معتبرني خدامة له ولأصحابه، دون غلاسة أصحابه عليّا.
حميدة: آسفة يا بنتي، فوزي الزفت مضى عمك خليل على شيكات وكمبيالات بالغصب، وخيرة بين موافقتك أو مساءلته، رغم إن عمك خليل فضل يحلف إنك مش بنته، إلا إنه زي ما يكون أطرش.
هدير: يا ريته كان فضل عايش يا أمي، إلا إنه غاب تاني يوم من القهر عليه، الله يرحمه.
حميدة: هتعملي إيه يا بنتي؟
هدير: هاشوف مستقبلي الأول، هاحول لأخواتي في مدارس تانية، وبعدها هاجيب ليكي انتي وهم شقة كبيرة، وأنا هابني مكان البيت ده عيادة خيرية، وأجيب كذا دكتور معايا فيها، وفي حاجة في دماغي لو حصلت أكون حققت حلم بابا وماما الله يرحمهم.
حميدة: الله يرحمهم، فرحيني، ربنا يفرح قلبك.
هدير: مشروع العيادة الشاملة اللي هيكون فيها كل التخصصات، واسمي دكتورة هدير صادق محسن الشهاوى.
وبكت وقالت: اللي غاب غدر هو وماما.
حميدة: طولي بالك، ربنا ينتقم من الظالم.
هدير: هانت يا أمي، الحمد لله، اتحكم عليهم بالعقوبة، مش علشان قتل أبوية وأمي، ده علشان البلاوي اللي وراهم من أنشطة غير قانونية وتسفير بنات قاصرات، غير حاجة كتير، أنا شوفت السي دي زهلت، والله دول مش بني آدمين، دول شياطين.
حميدة: أهم غارو في داهية، فوقي لنفسك بقى.
هدير: ومش هاتنازل عن حقي أبدًا، أنا كزوجة ميلزمنيش، هافضل معاه لحد ما أخرجك انتي والولاد من هنا، وبعدها وشرف بابا لأعلمه الأدب.
حميدة: تليفونك بيرن.
هدير: ممدوح المحامي، السلام عليكم.
ممدوح: وعليكم السلام، عوز الحلاوة.
هدير: بتتكلم جد؟ طب احلف.
ممدوح: والله وافقوا، بس طمعوا في 10 آلاف زيادة، هو انتي مشوفتهمش وهم بيعزلوا.
هدير: لا، أنا في البلد عند أهل مروان، وماما حميدة.
ممدوح: أنا لسة مسجل العقد حالًا.
هدير: تمام، شوف مهندس ديكور كويس وابدأ شغل، عوزة استلم بعد 6 شهور بالكتير.
ممدوح: لا، شوية بجد، ده مش أقل من سنة.
هدير: لا، الأجهزة هتوصل بعد 6 شهور، أنا هاكلم دكتور فريد، وانت بعد كدة ظبط معاه.
ممدوح: انتي مفترية، أمال أرنب جنب المدعو مروان ليه؟
هدير: طاعته فرض عليّا يا ابن خالتي.
ممدوح: ربنا يسعدك.
هدير: هابعت ليك الشيك مع ماما حميدة.
ممدوح: أنا هاجي آخده.
هدير: لا، واختي خط أحمر يا متر.
ممدوح: عوز الحلال والله.
هدير: الحلال لسة بدري عليه، اختي لسة أولى جامعة، يلا سلام، سلم على خالتي.
حميدة: خير يا بنتي؟
هدير: بكرة تودي الشيك ده لممدوح، خلاص يا أمي، وضعت حجر الأساس لمستقبلي، لاقيت مكان تحفة، هو غالي شوية بس صدقيني أجمل مكان في مصر، دعواتك.
حميدة: ربنا يحقق مناكي يا بنتي، هتتغدي إيه؟
هدير: لا، أنا هامشي دلوقت، هاروح مع البنات عوزين يجيبوا لبس، وهاجي أنام معاكم، عوزة أشوف حكاية تأخر مدحت برة ليه، وهافضل بكرة وأرجع بعد بكرة علشان أفرح بمنظر عيادتي.
حميدة: هو مش قال هياجي ياخدك؟
هدير: ههههه، انت غلبانة أوي، عمره ما هياجي يا ماما، هانزل دلوقت، عوزة حاجة؟
حميدة: تسلمي يا قلبي.
فات اليوم وتاني يوم لا جديد، وتالت يوم هدير أخذت شنطها وركبت الميكروباص المتوجه إلى الإسكندرية، ومنه ركبت تاكسي: برج الزهوز شارع يا أسطى.
السائق: تحت أمرك، اتفضلي.
وبعد ما يقرب من نصف ساعة.
هدير: تشكر يا أسطى، اتفضل.
السائق: بالسلامة.
هدير: ازيك يا مصلحى، ابنك بقى كويس؟
مصلحى: الحمد لله، الدكتور فوق هو و.
هدير: عارفة، سلم على سعدية، وأخذت الأسانسير ووصلت شقتها الكائنة في الدور الثالث علوي، وفتحت الباب، فسمعت همهمات وضحكات تأتي من حجرة نوم مروان، دخلت شنطتها في غرفتها لوجود أوراق مهمة بها، ودخلت عليه حجرة نومه.
دخلت عليهم وهي تتمالك نفسها من الكسرة، ومسكتها من شعرها: طااااااااخ، يا زبالة يا بنت الـ، طاااااااخ، انتي هتخرجي زي ما انتي كدة وهافرج عليكي كل السكان.
مروان: انتي بتقولي إيه؟ انتي نسيتي نفسك، أنا حر.




