مروان يبلغ من العمر 34 سنة، طبيب جراح رياضي، متناسق القوام، عسلي العينين، معتز بنفسه كثيرًا.
معتز يعتبر توأم مروان وابن عمته، محامٍ عنده مكتب في نفس سن مروان، طويل وقوي البنية قليلًا، يحب الضحك، جاد في شغله، متزوج ولديه ولد وبنت توأم باسم وبسمة.
مختار دكتور مخ وأعصاب، لديه عيادة، من أسرة ثرية، متكبر ونظراته غير مريحة، متهور، قصير بعض الشيء، جسمه متناسق، زميل وصديق مروان من الإعدادي، متزوج من بنت عمت مروان.
سهام أقرب إنسانة لقلب مروان، وتأتي عنده الشقة في بعض الأحيان مع أصحابهم في المناسبات، تعمل محاسبة في إحدى الشركات الخاصة.
هدير عندها 32 سنة، دكتورة، حظها العاثر هو ما جعلها تتزوج هذا المتكبر لحماية قريب لها من مساءلة قانونية، وزوج المربية الخاصة بها.
وباقي الشخصيات سنتعرف عليهم تباعًا.
الفصل 1
مروان: مبروك يا عروسة، نورتي بيتك، ههههه، أنا هنام في الأوضة دي، وانتي خدي الأوضة الصغيرة اللي في آخر الطرقة، يلا غيري هدومك وتعالى، قال عروسة قال.
هدير: حاضر، وقفلت الباب بالمفتاح وظلت تبكي.
مروان: انتي يا بني آدمة افتحي الباب وتعالى، عايزك.
هدير: حاضر، جاية.
مروان قعد على كرسي الانتريه ووضع ساق فوق الأخرى.
هدير خرجت لابسة بيجاما بكم، ولابسة حجابها: نعم، تحت أمرك.
مروان: قلعيني الجزمة والشراب، وبعد كده هاتيلي العشا، واغسلي إيدك كويس.
هدير: حاضر، حاجة تانية؟
مروان: لما أعوز حاجة انتي موجودة، وشاور بيده ناحيتها.
هدير أخذت الحذاء وضعته في الجزامة، وأحضرت الشبشب ووضعته تحت قدميه، ودخلت المطبخ، غسلت يدها وقعدت تحضر له العشاء، ووضعته على صينية، ودخلت الانتريه، ووضعت الصينية على طرابيزة صغيرة: اتفضل يا دكتور العشا.
مروان: هاتي مية، وروحي حضري الحمام اللي في أوضتي.
هدير: حاضر، ومشت حضرت الحمام، ووضعت بشكير نظيف وفوطة صغيرة، ووضعت بيجاما نظيفة وطقم داخلي على السرير، وخرجت على المطبخ، عملت الشاي، وانتظرت لحد ما سمعت.
مروان: تعالى شيلي الأكل.
هدير: حاضر، اتفضل الشاي، والحمام جاهز.
مروان: اقعدي، وشاور على الأرض.
هدير قعدت على السجادة صامتة.
مروان: أوعي تكوني عشمانة إنك هتكوني مراتي فعلي، وكمان لا تحلمي إنك تكوني غير خدامة ليا، وفيه حاجة كمان، لا حد يعرف إنك مراتي هنا في البلد، عرفي الكل إني واحد ليا مكانتي هنا، مش ناقص مشاكل، فاهمة؟
هدير: فاهمة، بس عايزة أعرف إيه المطلوب مني بالضبط.
مروان: انتي مبتفهميش؟ أنا قولت ليكي إنك مجرد خدامة ليا، ولأي حد ياجي عندي.
هدير: تحت أمرك، وطلبات البيت.
مروان: هههه، أنا دكتور مروان، عوزاني أشغل بالي بطلبات البيت؟
هدير: أنا معرفش أي مكان هنا.
مروان: هخلي مرات مصلحى البواب تروح معاكي علشان تجيبي الطلبات لحد ما تعرفي المكان، وتبقى تجيبي طلبات البيت لوحدك.
هدير: تمام، حاجة تانية؟
مروان: مش عاوز اختلاط مع أي حد من السكان.
هدير: حاضر، حاجة تانية؟
مروان: كل يوم تصحيني الساعة سبعة ونص، ألاقي الحمام جاهز، أخرج من الحمام ألاقي الفطار والجزمة متلمعة، الغدا الساعة أربعة يكون جاهز.
هدير: ممكن تقولي على طلباتك على الغدا بالأسبوع ولا باليوم؟
مروان: ههههه، انتي آخرك شوية زر وصنية بطاطس.
هدير: اكتب اللي حضرتك عاوز تاكله على الغدا وأنا هعمله.
مروان: هاتي الأجندة من على السراحة، وأوعى تاخدي حاجة، أنا عارف كلام غير مناسب.
هدير: اطمن حضرتك، أي حاجة موجودة أكيد هتكون مسؤولة مني.
مروان: أجرب كدة، اهو الواحد يتسلى، وكتب: بكرة باشمل وبانية، وبعده سمك بورى وجمبرى، خدي أكل يومين.
هدير: تمام، ومسكت الورقة من غير ما تبص فيها: سيب فلوس هانزل مع مرات مصلحى أجيب الطلبات، حاجة تانية؟
مروان: لو افتكرت حاجة هاقلك، روحي اتعشي ونامي.
هدير: ممكن فون ولا منبه أصحيك عليه؟
مروان: ههههه، إيه عرفك بالفون؟ انتي آخرك ولا لا، بلاش منك لله يا أبوية، دي مناظر الواحد يتصبح عليها، روحي افتحي درج السراحة الأول هتلاقي فون بالشاحن بتاعه، هاتيه وتعالى.
هدير: تحت أمر حضرتك.
مروان: شكلها بتسمع أفلام عربي كتير، حاضر حضرتك، تحت أمرك، اتفضل.
هدير: اتفضل.
مروان: هاتي وخدي، حطي الشاحن في الـ.
هدير: حاضر، ممكن طلب؟
مروان: هتبتدي بممكن؟ اخلصي.
هدير: التليفزيون اللي في المطبخ ينفع أحطه في أوضتي؟
مروان: خديه، أنا كنت هادية لمصلحى البواب.
هدير: تشكر، ودخلت المطبخ، أخذت التليفزيون وحطته في أوضتها، وخرجت، أخذت صينية عليها أكل، ودخلت تاكل شوية، وسمعت مروان بينادي: انتي يا زفتة.
هدير: نعم.
مروان: خدي الفون مظبوط على الساعة ستة ونص، تدخلي أوضتي بالراحة تجهزي الحمام كل يوم، وتغيري الفوط كل يوم، وأوعى تستعملي أي حاجة تخصني، فاهمة؟ غوري اتخمدي.
هدير: حاضر، ومشت دخلت أوضتها وقفلت على نفسها بالمفتاح، وقعدت تبكي حظها العاثر، فهذه هي هدير، الفتاة قمة الأناقة، خريجة كلية الطب، والتي حاصلة على الدكتوراه من أمريكا بدرجة امتياز، أصبحت خدامة تحت مسمى زوجة، أو زوجة تحت مسمى خدامة، مسحت دمعة متمردة سقطت من إحدى عيونها الزرقاء سهوًا.
هدير: خلاص معدش في دموع، أقسم برب السموات والأرض لن تسقط دموعي، وسوف آخذ حقي من الحياة، سوف أعود هدير صاحبة الرأس المرفوعة التي لن ولم تنكسر، آه يا دنيا.
ياللي بين ترابك يوجد أعز الناس، تقصد أبوها وأمها الذين غابا بسبب كشف أبوها بالصدفة لأشخاص من معدومي الضمير الذين يتاجرون في أنشطة غير قانونية، ويارب ثبتني، أما أنت يا من يدعى مروان فمع الأسف لك عليه حق الطاعة، هذا حقك، ولكن حقي أنا لن أتنازل عنه، سوف تشهد الأيام وأجعلك تتجرع الندم على غرورك وكبريائك وجبروت والدك الذي جعل مني خدامة لك رغم اعتراضي، والأيام بيننا، وقامت فتحت حسابها الموجود تحت اسم “احذر غضب حواء” وكتبت:
أنا امرأة وأفتخر بكوني امرأة كاملة الأهلية، ولست مكسورة الجناح.
تحياتي لكل رجل يفهم معنى كلمة زواج، اللي هو علاقة بين رجل يمتلك قلبًا مملوءًا مودة ورحمة، وامرأة صالحة قلبها ملك لزوجها.
إمضاء: احذر غضب حواء.
وقفلت هاتفها ووضعته في شنطتها ونامت.
صباح يوم جديد
هدير قامت، اتوضت وصلت فرضها، ودخلت غرفة مروان، حضرت الحمام، وغيرت البشكير والفوطة، وخرجت على المطبخ، جهزت الفطار.
هدير: دكتور مروان، قوم، الساعة سبعة وتلت.
مروان: قمت خلاص، حضري الفطار.
هدير: حاضر، حضرتك بتحب تفطر إيه؟
مروان: عادي، جبنة وبيض، كدة يعني، أهم حاجة فنجان القهوة، بتعرفي تعملي قهوة مظبوطة ولا ههههه؟
هدير: أكيد بعرف أعمل.
مروان: انتي بني آدمة غريبة.
هدير: حضرت الفطار.
خرج مروان بعطره النفاذ الذي يزيده غرورًا، وقعد تناول فطاره.
هدير: القهوة حضرتك.
مروان: أجرب كدة، وشرب، واتصدم من طعم القهوة اللي عجبه: خدي الفلوس، وهكلم سعدية تروح معاكي علشان تجيبي الطلبات.
هدير: كتر خيرك، تشكر.
