هدير: ولا تزعل، هاتصل بابو مروان وهاقوله إنك بتتعامل معايا بشكل غير لائق.
مختار: محدش هيصدقك.
هدير: هاتصل ونشوف.
مختار سابها ونزل المية.
عد اليوم، واستمر روتين الحياة كالآتي:
هدير تستيقظ الساعة 6، تتوضى وتصلي فرضها، وتدخل تحضر الحمام، والساعة 7 وثلث تصحي مروان، وتدخل المطبخ تحضر الفطار وتضعه على الطرابيزة في الانتريه، وتعمل فنجان القهوة، وتسأله ماذا يريد على الغداء، والغدا بيكون الساعة الرابعة، والعشا التاسعة مساءً. هذا هو الجدول اليومي لها.
هدير: حضرتك عوز إيه على الغدا؟
مروان: اعملي أي حاجة.
هدير: خايفة أعمل حاجة تكون مش بتحب تاكلها.
مروان: أي حاجة خفيفة، واعملي حسابك هننزل البلد آخر النهار، وحسك عينك حد يعرف اللي بينا.
هدير: متشلش هم، أنا هاروح عند ماما.
مروان: ماما؟ الله يرحم بنت الشغالة، بتقول ماما.
هدير: كل إنسان في نفسه سلطان، ومش عيب إني أحترم أمي.
مروان: ههههه، احترميها براحتك، أنا ماشي، حضري لية كذا غيار وحاجة أنام بيها.
هدير: حاضر، عوزة أجيب هدية لولدتك علشان أول مرة ننزل بعد فرحنا.
مروان: خدي، وهاتي حاجة لولدتك كمان.
هدير: لا، هي عندها كل حاجة الحمد لله.
مروان: عوزاني أصدق إنك قنوعة؟ بجد، وتركها ونزل.
هدير مسكت حسابها وكتبت:
كان عندي أمل تكون لي كل شيء، ولكنك بغرورك وكبريك أصبحت لا شيء، منتظرة إرادة الله، فكل شيء مقدر ومكتوب.
إمضاء: احذر غضب حواء.
وقامت حضرت شنطتها وبعض الملابس لها، وضعتها في حقيبة صغيرة، ولبست ونزلت.
سعدية نازلة النهاردة تجيبي طلبات؟
سعدية: أيوة، بس الولد آدم تعبان، ساخن شوية.
هدير: ألف سلامة، عوزة حاجة أجيبها معايا؟
سعدية: مش عوزة أتعبك.
هدير: أنا مش هاجيب حاجات كتير، شوفي عوزة إيه.
سعدية: ممكن تجيبي معاكي.
هدير: حاضر، ونزلت جابت الطلبات، وجت سعدية: خدي الطلبات والباقي والدوا ده ادي لآدم منه، بالشفا.
سعدية: ربنا يكرمك، زي ما تكوني دكتورة، الدوا اللي بتجيبه الولاد بتصحى عليه.
هدير: الشفا من عند الله، هاطلع أزيك يا مصلحى.
مصلحى: تسلمي، متشكرين، فعلًا الغلابة بيحسوا ببعض.
هدير: انتم اخواتي هنا، يلا سلام عليكم.
حان وقت العودة إلى القرية.
هدير: أنا معايا سندوتشات ومية وشاي، لو حبيت.
مروان: يا خسارة لو مكنتيش بنت حميدة الشغالة، ههههه.
هدير: أنا شرف ليه أكون بنتها يا دكتور؟
مروان: انتي شكلك هتجبيلي الضغط ببرودك ده.
هدير: حمد الله على السلامة، هاروح معاك ولا أروح عند أهلي؟ ولو حبيت أرجع معاك على رنة.
مروان: لا، يا حليتها، ومين اللي هيخدمني؟ انتي ساعة النوم تغوري على خفيف تتخمدي عند أمك وتاجي الصبح بدري.
هدير: حاضر يا دكتور، ووصلوا منزل والدة مروان.
فاطمة والدة مروان: يا مرحب، نورتوا يا حبايب قلبي.
مروان: ازيك يا أمي.
هدير: ازيك يا ست الكل، وباست إيدها.
الحاج فوزي فوزي محفوظ مندور، عنده 67 سنة، شديد في تعامله، ذو كبرياء، غني، يمتلك من الأطيان والفلوس والسلطة ما يجعل الجميع يهابه، ولكنه يعرف الأصول.
الحاج فوزي: حمد الله على السلامة يا ولاد.
مروان: الله يسلمك يا حاج.
هدير: ربنا يسلم حضرتك.
الحاج فوزي: قولي يا بابا، انتي بقيتي زي فريدة وخلود وصفاء.
هدير: انتم فين وأنا فين، ربنا يخليك.
الحاج فوزي: انتي تشرفي أي إنسان بأدبك وتعليمك يا بنتي.
مروان: ههههه.
وقفت ترص الهدوم في الدواليب، ويمر الوقت ويأتي المساء، ويجلس الجميع يتسامرون.
هدير: بعد إذنكم، أنا هاروح عند ماما.
فاطمة: بكرة الصبح تبقى تروحي، انتي وزوجك تتغدوا عند أهلك، مينفعش تسيبي زوجك ينام لوحده.
هدير بصت لمروان: معلش يا ماما، هي وحشاني بصراحة.
الحاج فوزي: هي كلمة، مكانك جنب زوجك، بكرة روحوا مع بعض اتغدوا معاها وتعالوا.
للأحداث بقية.
رواية عندما لا ينفع الندم.
الفصل 4
هدير بصت لمروان: معلش أصل ماما وحشاني بصراحة.
الحاج فوزي: هي كلمة، مكانك جنب زوجك، بكرة روحوا مع بعض اتغدوا معاها وتعالوا.
مروان بغيظ: هاطلع أنام، تصبحوا على خير.
خلود: لسة بدري يا برنس، خليك معانا شوية كمان.
صفاء: اشمعنى المرة دي عوز تنام بدري؟
فريدة: اتلمي يا كلبة، اطلع يا حبيبي، وخلي بالك هناخد هدير معانا، عوزين نجيب لبس.
مروان: ماشي، يلا يا هدير.
فاطمة: خدي يا بنتي الصينية دي معاكي، يلا اطلعي، وبصوت واطي: خدي راحتك انتي في بيتك.
هدير بابتسامة منكسرة: حاضر يا ماما، تسلمي، وطلعت خلف مروان.
مروان: انتي سوسة، عرفتي إزاي تاخدي أبوية وأمي تحت طوعك.
هدير: والله لو عليّ ما كنت عوزة أفضل هنا ساعة زمن، بس مش عاوزة أقصر كلام أبوك.
مروان: اتلقحي، نامي على السجادة وخليكي بعيد عن السرير شوية.
هدير: حاضر، وأخذت مخدة ودخلت الحمام، وطلعت لابسة بيجاما نص كم وشعرها مفرود، وقعدت على كرسي السراحة تمشطه.
مروان اندهش من طول شعرها، ونظر إلى وجهها في المرآة، فوجدها جميلة بكل ما تحمل الكلمة من معنى، جميلة فوق الوصف، فأدار وجهه ونام، وعقله يفكر في جمالها.
هدير مشطت شعرها ونامت على الأرض في ركن الغرفة، وهي حزينة على نفسها.
صبااااح يوم جديد.
هدير: مروان، مروان، وبتميل عليه وبتهزه، فسقط شعرها على وجهه.
مروان: انتي بتعملي إيه يا حيوانة، ابعدي عني.
هدير: اشكرك، مامتك برة بتنادي عليك من بدري، وسابتة، ودخلت الحمام.
مروان فتح الباب، وجد أمه: خدي افطروا، احنا فطرنا من بدري، ليه بتشتم مراتك؟ حرام عليك، انت عندك تلات اخوات بنات، راعي ربنا فيها.
مروان: حاضر يا أمي، وأخذ الصينية وحطها على الطرابيزة، ووقف في البلكونة.
هدير: الحمام جاهز يا دكتور، ومشطت شعرها ولبست حجابها وتركت له الغرفة ونزلت، وجدت صفاء في المطبخ.
هدير: السلام عليكم، ممكن توريني القبلة ناحية فين؟
صفاء: وما قولتيش لزوجك ليه؟
هدير: عوزة أصلي براحتي.
خلود: تعالى يا مزة معايا.
هدير مشت معاها، ودخلت أوضتها، صلت وبكت كتير وهي ساجدة.
صفاء: أنا مش هاقولك انتي مالك، بس انتي شكلك سلبية جامد مع مروان.
هدير: أنا كويسة، متخفيش عليّ.
صفاء: أنا كنت كدة، نعم وحاضر وأنفذ كل رغباته، لما بقى أناني ولغى وجودي لحد ما بقيت مجرد خادمة في بيته، يا ريت كدة وبس، كان كل اللي عندي في المناسبات العائلية يبعتنى أعمل الأكل وأقوم بالليلة زي ما بيقولوا، لحد ما في يوم بتكلم معاه، اشتد النقاش، كان عوزني أروح أروق شقة أخته اللي كانت والدة وفي المستشفى، فاعترضت لأن زوج أخته نظراته غير مريحة، فقال: أوعي تفتكري نفسك بني آدمة، انتي حتة خدامة.
هدير: هههه، بصرة، نفس الكلمة الجارحة، عملتي إيه؟
صفاء: من غيظي حدفته بالفاظة، فتحت دماغه تسع غرز.
هدير: وبعدين حصل إيه؟
صفاء: مسكني عوز يضربني، وجت أخته اللي لسة مش متزوجة عوزة تضربني معاه، وقفت في البلكونة وصرخت، والناس اتلمت، وحكيت ليهم، الناس قدرتني، وأبوه جه ضربه كمان قدام الناس، وأخذ بنته معاه بعد ما اتأسف ليه، ومن ساعتها وهو محترم نفسه، وعايشة براحتي في شقتي بخدمة هو وبس.
هدير: حكايتك غريبة أوي، التاريخ بيعيد نفسه.
صفاء: انتي بأيدك اللي تقدري تحطي أخوية عند حده، دصنف نمرود زي عنتر زوجي.
هدير: هو زوجك اسمه عنتر؟ من حقه يعمل كدة، مش عنتر زمانه، هههههه.
صفاء: بلا وكسة، داسم على الفاضي، هههههه.
هدير: ههههههه، المهم مفاتيح بقت في إيدك.
صفاء: أيوة، دلوقت باجي لأمي كل يوم، وأروح قبل ما يرجع من الشغل، ولما بيبات في الشغل بنام هنا، الحمد لله عايشة سعيدة، وحامل، عقبالك.
مروان فتح الباب: انتم بتعملوا إيه؟
هدير: كنت بصلي، تأمرني بشيء؟
مروان: هاتي صينية الفطار من فوق، وخلي التليفون معاكي، مش هاقعد ألف وراكي.
هدير: حاضر، وطلعت.
مروان: ابعدي عن مراتي، أنا عوزها كدة.
صفاء: ياريت تعتبرها مراتك مش خدامتك.
مروان: هي فعلًا كدة، أمال بنت الخدامة هتكون إيه؟ وزيرة يعني؟
هدير: هتكون بني آدمة وزوجة يا دكتور، اتفضل، هاروح أعمل لحضرتك القهوة.
صفاء: مروان، انت بقيت واحد تاني، نسيت الرحمة، هاقولك على نصيحة، اتق شر الحليم إذا غضب.
فاطمة: مفطرتوش فوق ليه يا بني؟
مروان: أصلي ورايا كذا مشوار يا أمي.
الحاج فوزي: خد مراتك معاك، وصلها عند أهلها، وابقى خد حاجة ادخل بيها عليهم، متدخلش إيدك فاضية على الناس.
مروان: حاضر يا بابا، حاجة تانية؟
الحاج فوزي: روح مشوارك وارجع على بيت أهل مراتك، اتغدا معاهم، وهات مراتك في إيدك، ماشي؟
مروان: حاضر يا بابا، بعد إذنك هارد على التليفون، وخرج البلكونة.
سهام: وحشتني يا بيبي، انت فين؟
مروان: في البلد، بشوف أبوية.
سهام: في رحلة لشرم تبع الشغل، أنا حجزت ليك معايا، بس الفلوس.
مروان: فهمت، هي امتى؟
سهام: بكرة الصبح، متتأخرش عليّ.
مروان: عيواني، هاجي الليلة، هتروحوا في إيه؟
سهام: سوبر جت، وأنا حجزت كرسين لينا ورا.
مروان: اتفقنا، خلاص، هاظبط حالي وجاي.
هدير: القهوة، اتفضل.
مروان: البسي علشان هاوصلك في طريقى لبيت أهلك.
هدير: حاضر، ثواني.
فريدة: أنا كنت عوزة هدير تخرج معانا، عوزين نشتري هدوم.
مروان: أنا هاسافر، وابقى خلي محسن ولا أي حد يروح يجيبها من عند أهلها، تروح معاكم وتبقى ترجع تاني لبيت أمها.
فريدة: هو انت مسافر النهاردة؟
مروان: أيوة، طالبوني في المستشفى ضروري.
هدير بصوت واطي: بقى تسيبني وتجرى ورا الزبالة بتاعتك؟ ماشي.
صفاء: خد مراتك معاك يا دكتور.
مروان: هي هتفضل عند أمها لحد ما أبقى أجايي آخذها.
هدير: أنا جاهزة.
خلود: إيه ده؟ صاروخ يا ناس.
مروان: هههههه، عينك حلوة، قال صاروخ قال.
