هدير: يدوب بعرف كلمات بسيطة وبعض الحروف.
معتز: متشكر، اتفضلي.
هدير: تحت أمر حضرتك.
مروان: هي عاجبتك يا نمس؟
معتز: عيب عليك، دي محرمة عليّ، دي مرات أخويا.
مروان: بقولك عوزين يوم الخميس نخرج لأي مكان، إيه رأيك ننزل البحر؟
معتز: الخميس ماشي، بس نهايتي نص الليل علشان مقدرش أسيب جنة لوحدها بالولاد.
مروان: تمام، خلاص، تخلص المكتب بدري، وناخد الشيء اللي جوة ده معانا، اهو تحضر الأكل وتحرص الهدوم، ههههه، اهي تعمل بلقمتها.
معتز: الأيام هتبين إنها إنسانة غير ما أنت شايفها، صدقني دي شكلها متعلمة تعليم عالي ومتربية في بيت محترم.
مروان: ههههه، وإيه اللي أجبرها تكون خدامة؟
معتز: هي ماختارتش تكون خدامة، هي اختارت تكون زوجة، وزوجة صالحة، ثم انت ناسي إن أبوك المفترى هو اللي حكم على أبوها يوفق غصب عنه على زوجكم.
مروان: فكك، هاريح جنبك لو عوز تراجع القضية اللي معاك، جت هدير، أخذت الكوبيات وخرجت غسلتهم، ولمّت باقي الأكل، ودخلت كلمت أصحابها على الفيس، وسرحت في أيام الدراسة وتفوقها، ومعاملة كل أصحابها لها باحترام، وكلمت صديقة لها.
مروان بصوت عالي: هدير.
هدير: نعم، تأمرني بحاجة؟
مروان: انتي نايمة على ودانك؟
هدير: معلش، غفلت شوية.
مروان: عوزين قهوة.
هدير: قهوتك إيه يا أستاذ معتز؟
معتز: مظبوطة، ممكن.
هدير: حاضر، ثواني، عملت القهوة وقدمتها، وبعد شوية من الوقت قدمت لهم صينية عليها طبقين من الفاكهة، ووضعت الورقة اللي مروان كان كاتب فيها الطلبات على حرف الطرابيزة، وفيها بعض الجنيهات.
مروان: ورقة إيه دي؟
هدير: ده باقي حساب الأكل.
مروان: خليهم معاكي، وأي فلوس تزيد خليهم معاكي.
هدير: حاضر، ودخلت وضعتهم في أحد أدراج المطبخ، وأخذت بعض الفاكهة، وفتحت صفحتها وكتبت:
كنت أتمنى أن تكون لي كل شيء، ولكن مع الأسف ليس كل ما يتمناه المرء يدركه، لعله خير، المهم هو أن أعيش في هدوء وسكون، دخلي قبل العاصفة.
حسبي الله ونعم الوكيل.
إمضاء: احذر حواء.
مروان: الحق يا ضف، شوف كاتبة إيه.
معتز: دي شكلها الدنيا حاطة عليها جامد، ياريت أقدر أساعدها لوجه الله.
مروان: ههههه، ربنا يعينك يا نمس.
معتز: أروح أحسن، انت مفيش فيك فايدة، سلام.
مروان: أشوفك الخميس على الساعة واحدة، ماشي؟
معتز: لا، هاخلص المحكمة الساعة اتنين، مين هيكون معانا؟
مروان: الشلة وسهام طبعًا.
معتز: بلاش تاخد مراتك معاك، انت عارف مختار هيتعبك.
مروان: على إيه يعني؟ ده صاحبي.
معتز: ودي مراتك، وصاحبك نظراته غير مريحة، وهدير ما شاء الله جميلة جدًا.
مروان: انت اللي عينك حلوة، بلا قرف.
هدير: حصلت لكدة يعني؟ ممكن تسيبني لصاحبك؟ ونعم الرجولة، ماشي يا واطي، أنا هاعلمك الأدب انت وصاحبك.
دخلت الانتريه، أخذت الحاجة، ودخلت الحمام، اتوضت وصلت فرضها، وقعدت تشاهد التليفزيون وسرحت.
فلاااااش.
هدير: السلام عليكم، عامل إيه يا حبيبي؟
صادق محسن الشهاوى، صاحب مكاتب الشهاوى للمحاماة، رجل طيب، صاحب ضمير حي، لا يخشى شيئًا، يبلغ من العمر 54 عامًا.
صادق: هتناقشي رسالتك امتى؟
هدير: بعد 15 يوم، وهاكون دكتورة هدير، واتكبر عليك، ههههه.
صادق: براحتك، من حق الحميل يدلع.
هدير: ماما واخواتي بخير؟
صادق: الحمد لله بخير، بقولك اسمعيني كويس.
هدير: تحت أمرك، خير يا بابا.
صادق: في ظرف هتلاقيه في خزنة في البنك، لو جرى ليا حاجة سلميه للنائب العام واخواتك، أنا سفرتهم وحولت مدرسهم في البلد بتاعت دادة حميدة، وها يفضلوا هناك مع دادة حميدة.
هدير: ليه كل ده؟
صادق: علشان أمانكم.
هدير: بابا، رد عليّ من فضلك.
صادق: لو غبت، روحي اقعدي مع اخواتك، ودادة حميدة هي عارفة هتعمل إيه وهتحميكي، إزاي، ليه عندك طلب؟
هدير: اتفضل يا حبيبي، آمر.
صادق: عوزك تاخدي الدكتوراه بامتياز، ماشي؟
هدير: لا، أنا هانزل على أول طيارة.
صادق: أقسم بالله عليكي لازم تاخدي الدكتوراه بعد 15 يوم، أنا أقسمت عليكي، ماشي؟
هدير: حاضر يا حبيبي.
مروان بصوت عالي: هدير، انتي يا زفتة.
هدير: نعم، تأمرني بشيء؟
مروان: نايمة على ودانك؟
هدير: آسفة، غفلت شوية.
مروان: عوز أتعشى.
هدير: عشا خفيف ولا الباقي من الغدا؟
للأحداث بقية.
الفصل 3
هدير: نعم، تأمرني بشيء؟
مروان: نايمة على ودانك؟
هدير: آسفة، غفلت شوية.
مروان: عوز أتعشى.
هدير: عشا خفيف ولا الباقي من الغدا؟
مروان بصوت واطي: المكرونة بجد طعمها جميل، هاتي مكرونة لو فاضل.
هدير: حاضر، ثواني، الأكل يكون جاهز، وحضرت وحطت الأكل، هاعمل الشاي.
مروان شاور على السجادة: اقعدي.
هدير: حاضر، وقعدت.
مروان: انتي مفيش في بقك غير نعم وحاضر وباقي الردود المحترمة، انتي مين؟
هدير بابتسامة منكسرة: أنا هدير صادق محسن.
مروان: اتعلمتي الطبخ فين، وكمان حسن الرد من مين؟
هدير: من أمي خديجة الله يرحمها، ودادة حميدة هي اللي مربياني، حضرتك عارف هي كانت بتشتغل عند ناس أغنياء أوي.
مروان: وانتي بقة كنتي بتشتغلي عند الناس دي ولا كنتي بتشتغلي عليهم؟
هدير: أنا كنت بشتغل في مطعم، بغسل صحون، يعني طول النهار في المطبخ.
مروان: هههه، وعرفتي فيرجن دي منين؟
هدير بثبات: من التليفزيون، من المسلسل التركي.
مروان: قومي اعملي الشاي، وخلي بالك ده ميعاد عشايا كل يوم.
هدير: حاضر، فهمت، كنا عوزين خزين المطبخ والتلاجة.
مروان: بكرة هتنزلي معايا نجيب الطلبات، وكمان عوز أكل كتير خارج، أنا أصحابي يوم الخميس هننزل البحر.
هدير: عوز سندوتشات ولا نواشف؟
مروان: عوز سندوتشات مشكلة وعصاير.
هدير: حاضر، هاحضر لك السندوتشات والعصاير، هتاجي تلاقي كل شيء جاهز.
مروان: ما انتي هتكوني معايا، أمال مين اللي هيقوم بخدمتنا؟ هههه، مش معقولة آخد مصلحى وانتي موجودة.
هدير: طلباتك أوامر يا دكتور.
مروان: انتي عندك برود يكفي بلد.
هدير: ماما الله يرحمها علمتني إن طلبات الزوج أوامر، طالما إنها مش بتخالف شرع ربنا.
مروان: صفق، تصدقي انتي المفروض كنت اتزوجتي الواد معتز، كنتم هتكونوا لايقين على بعض.
هدير: كل شيء مقدر ومكتوب، تأمرني بحاجة تاني؟
مروان: لا، غوري اتخمدي.
مر يومين وجاء يوم الخميس.
مروان: حضري كل حاجة، أنا على الساعة واحدة ونص تكوني جاهزة، ماشي؟
هدير: حاضر، أنا خلصت كل حاجة.
مروان خرج ورتب مع أصحابه، وبما فيهم سهام، للخروج والسهر على شاطئ البحر.
معتز يكلم مروان: أنا جاهز.
مروان: تعالى، هنتقابل عند شغل سهام.
معتز: مابلاش سهام المرة دي.
مروان: لا، لازم تكون معانا.
معتز: اللي يريحك، أنا في الطريق.
مروان: تمام، بصي، أنا بحذرك، لا حد يعرف إنك مراتي.
هدير: وأنا بقول لحضرتك، لا حد يغلط عليّ، لأني ساعتها بتكون إيدي طويلة.
مروان أوقف العربية فجأة: نعم يا روح أمك، انتي هتملي شروطك عليه؟ ولف إيدها خلف ظهرها جامد.
هدير شدت إيدها جامد ووقفت: بص، أنا بقول ليك، أقسم بالله لو حد غلط عليّ، هيكون رد فعلي جامد.
مروان: لما نشوف، هتعملي إيه، دانتي حتة شغالة.
هدير: ليك انت وبس، وإكرامًا ليك هاخدمهم.
مروان: شكلك هتخليني أتهور عليكي النهاردة.
هدير ركبت ساكتة لحد ما وصلوا للشركة اللي سهام شغالة فيها.
سهام: مروان وصل، وغمزة لمختار: هاركب جنبه.
محمود: مين اللي مع مروان دي؟
مختار: تنح، دي صاروخ يا ضف.
محمود: مش معقول مروان يتزوج من غير ما نعرف.
مختار: بية.
مختار: بس انتي داخلة دماغي بصراحة، عوزة كام؟
هدير: يعني مش عوز تكون إنسان محترم؟
مختار: يا ود يا شرس، أموت في الشراسة.
هدير: طب خدي دي حاجة بسيطة، المرة الجاية هتكون أجامد يا خفيف، وملت إيدها رمل ورمتها في عيونه.
مختار قعد يصرخ: يا بنت الـ، والله لاوريكي.
هدير: كلب لما ياكل قلبك يا حيوان.
مروان جه يجرى عليهم: في إيه؟
هدير: مردتش.
مروان: ردي يا بني آدمة.
هدير: مهو يرد، أنا هاعرف هو ماله، منين؟ ممكن تكون حاجة قرصته ولا رجله اتكسرت.
مروان: انتي بني آدمة مستفزة بجد.
مختار: أنا وقعت على وشي وعيني دخل فيها رمل.
معتز: بالشفا، خلي بالك وانت ماشي.
مختار: ملكش فيه.
مروان: حسابك لما نروح.
سهام: انتي يا زفتة، عوزة أكل؟
هدير حطت ليها سندوتشات على طبق وقالت: اتفضلي، بالهنا.
سهام: مروان، انت جايب الزبالة دي منين؟
مروان: أبوية منه لله، هو اللي صمم على إنها تكون معايا.
سهام: بصراحة أنا خايفة عليك منها.
مروان: اطمني، هي دي أشكال حد يبصلها؟
مختار: ولو قولت ليك إنها لازماني، ردك إيه؟
معتز: إيه يا مبارك، خايف أقلب الطرابيزة؟
مروان: يلا ننزل المية، جاي يا مختار؟
مختار: أيوة، هاكل الجعان وهاحصلك.
هدير: الأكل، وحطت الطبق قدامه.
مختار: أنا مش بازهق، ومروان عمره ما هيبيع صحابه وزوج بنت عمته علشان حتة خدامة.
