مروان: حسك عينك حد يعرف إنك مراتي، أو تختلطي مع حد من السكان.
هدير: اطمن، مش هاعمل أي حاجة تزعلك.
مروان: أما نشوف، وخرج.
هدير دخلت، أخرجت فونها، وقعدت تبحث عن حساب مروان اللي شافته الصبح، وبعتت له، وقعدت مبتسمة: أهلًا بيك في عالمي، عالم حواء.
للأحداث بقية.
بقلمي هبة أحمد.
الفصل 2
مروان: أما نشوف، وخرج.
هدير دخلت وأخرجت هاتفها، وقعدت تبحث عن حساب مروان اللي شافته الصبح، وبعتت له، وقعدت مبتسمة: أهلًا بيك في عالمي، عالم حواء يا مروان.
وكتبت:
يوم جديد، أدعو الله أن يمر عليّ بدون ألم، فأنا لم أجد غير الألم والأحزان في طريقي، وحشتوني يا أغلى الأحباب.
إمضاء: احذر غضب حواء.
وقامت لبست عباية خروج، وتناولت القليل من الطعام، وأخذت مفتاح الشقة، وبيدها الأخرى النقود والفون اللي أعطاه لها مروان بالشريحة.
هدير: السلام عليكم، انت مصلحى؟ أنا اللي الدكتور مروان كلمك عني.
مصلحى بص لها بجمود وقال: سبحان الله، والله الفقر مابيفهمش علشان يخلي واحدة زيك شغالة.
هدير صعبت عليها نفسها بجمود وقالت: النصيب يا أخوية، ممكن تنادي سعدية علشان ألحق أعمل الغدا.
مصلحى: يلا يا سعدية، اخلصي.
سعدية: الولد نام، خلي بالك منه، احنا هناجي بسرعة، وبصت لهدير وقالت: شكلك أول مرة تشتغلي عند حد، بس لبسك غالي أوي.
هدير: الست اللي كنت شغالة عندها الله يرحمها، لما غابت، بنتها أعطتني هدومها.
سعدية: كدة مبلوعة، أصل مش معقول شغالة وتلبس عباية زي دي، يلا امشي.
مروان يطلب عدة أرقام.
معتز: السلام عليكم، مبروك يا عريس، انت رحت العيادة ليه وسبت عروستك؟
مروان: عريس مين بس؟ دي شغالة بس، وخالك خايف من الحرامانية، علشان كدة كتب كتابنا، بيقول خايف الشيطان يكون تالتنا، ههههه، دي أصلًا شبة بمب كشر.
معتز: بس هي ليها حقوق عليك يا برنس.
مروان: حقوق؟ ههههه، أنا أصلًا قرفان منها، بقولك تعالى اتغدا معايا، المدام هتعمل مكرونة باشمل وبانية، تعالى نتسلى شوية، أنا ناوي أخليها تاكل العك اللي هتعمله.
معتز: كدة حرام عليك، المفروض تكون رحيم معاها.
مروان: وخالك ليه مكنش رحيم معايا؟ واشمعنى دي اللي صمم يزوجهالي؟
معتز: ممكن علشان سنها صغير.
مروان: والله ما أعطيك فيها إمارة، بس تصدق شكلها محترمة طول الوقت، نعم وحاضر وتحت أمرك، وعاوز حاجة تانية؟
معتز: أنا جاي بس علشان أثبتلك إنك غلطان.
مروان: تعالى هتاكل باشمل، مكنتش تحلم إنك تاكله، ههههه.
معتز: أنا جاي نتقابل عندك، هافوت أجيب ملف القضية من المكتب، وهاسهر معاك، ماشي؟
مروان: ياريت، يلا متتأخرش، الباشمل في انتظارك.
هدير تطلب عدة أرقام.
دادة حميدة: أهلًا يا حبيبتي، انتي كويسة؟
هدير: الحمد لله يا ماما، اخواتي كويسين؟
دادة حميدة: الحمد لله بخير، والله لسة متغدين وبيذاكروا.
هدير: خلي بالك منهم يا ماما، أنا هاقفل الفون وهابقى أكلمك بكرة.
دادة حميدة: ماشي يا حبيبتي، خلي بالك من نفسك.
هدير: حاضر يا حبيبتي، مع السلامة، وقفلت الهاتف ووضعته في شنطتها، ودخلت المطبخ تحضر السفرة، ونظرت إلى الساعة وجدتها أربعة إلا ثلث، قامت اتوضت وصلت فرضها، وخرجت من أوضتها وجدت مروان في وشها.
هدير: حمد الله على سلامة حضرتك، الغدا جاهز.
مروان: هاخد شور، حضري السفرة لفردين.
هدير: حاضر، حمام حضرتك جاهز، لو عاوز أطلع لك غيار؟
مروان: لا، أنا هطلع لنفسي، شوفي وراكي إيه.
هدير: حاضر، فجأة الباب خبط.
هدير فتحت الباب: مين حضرتك؟
معتز: بسم الله ما شاء الله، قمر منور.
هدير: أفندم، ممكن أعرف حضرتك عاوز حاجة؟
معتز: أنا جاي أتغدا عندكم.
مروان: اتفضل ادخل، الغدا جاهز، ههههه، باشمل من اللي قلبك بيحبه وبانية، إيه عجب؟
معتز: ماتحترم نفسك، حتى لو هي مش بتعرف تعمل أكل، المفروض إنك تعلمها بالراحة، وبينكم كدة حرام، أسلوبك غلط، صدقني دي شكلها إنسانة كويسة.
مروان: فكك، دي خدامة وبس.
معتز: حتى ولو خدامة وبس، فهي بني آدمة ولها حق في حياة كريمة.
مروان: انت هتسمعني منشور حقوق الإنسان؟
هدير: اتفضلوا، السفرة جاهزة.
مروان: اتفضل يا برنس، أكل عجب، ههههه.
معتز قعد على السفرة، استغرب من طريقة تحضير الأكل وقال: غريبة، بسم الله الرحمن الرحيم، وبدأ ياكل، عجبه الأكل جدًا، بص لمروان: والله أكل أحلى من بتاع المطاعم.
مروان بصوت عالي: هدير.
هدير: نعم، طلبات حضرتك.
مروان: أنا قولت تعملي أكل، مش تشتري أكل جاهز.
هدير سحبت إيدها من يده بقوة وقالت: أنا اللي عاملة الأكل، هو طعمه معجبش حضرتك؟
معتز: انت إيه يا أخي، وإيه الافتراء ده؟
مروان: مش مصدق إن البني آدمة دي تعرف تعمل الأكل ده.
معتز: اتهدى، والله تسلم إيدك، نفسك حلو في الأكل أوي.
هدير: ادي باقي صينية المكرونة ومكان تحمير البانية.
مروان: غريبة، روحي اعملي شاي، وخدي الصينية معاكي.
معتز: هدير، أنا آسف ليكي بصراحة، تسلم إيدك.
هدير: مفيش أسف يا أستاذ، بالف هنا، ودخلت المطبخ عملت الشاي، ومروان ومعتز قعدوا في الانتريه.
هدير: كام ملعقة سكر يا أستاذ؟
معتز: اسمي معتز وبس، بلاش أستاذ.
هدير: مينفعش، كام ملعقة سكر؟
معتز: واحدة.
هدير: اتفضل حضرتك، واتفضل لمروان، تأمرني بحاجة تانية؟
مروان: هاتي الفون من جوة.
هدير: حاضر، اتفضل.
معتز: خلي عندك رحمة، دي مراتك بشرع ربنا، مش شغالة عندك.
مروان: أنا كدة ومش هاغير معاملتي معاها، فكك، بص يا ضف، في واحدة باعتة ليا إد الإيميل بتاعها اسمه “احذر غضب حواء”.
معتز: ده اسم جامد، اقبله، وريني الصورة، هابعت ليها إد ونشوف غضبها.
هدير متابعة كلامهم وهي بتغسل الأطباق، وخلصت، وأخذت غداها على الصينية وقالت:
هدير: هاتغدا في أوضتي، عاوز حاجة؟
مروان: لا، روحي انتي.
معتز: هدير، بتعرفي تقرأي؟
