
«حديث رسول: ولا تقل لوالديك أوف. ومسكت إيد هدي وقالت: أسلوبك غلط، بالذات مع أمك. أمك دي هي معندهاش حد غيرك. هي عاوزه منك الحنان زي ما هي بتدي ليكي. إنتي بكره في يوم من الأيام هتحبي يكون ليكي أسرة، عندك أولاد. سؤال هنا بقى: هيعجبك بنتك لما ترد عليكي كده وتزعلك؟»
هدي زعلت، دموعها نزلت، وقالت:
«لا طبعًا. طب أعمل إيه؟ هو غصب عني عشان عشت في المدن.»
جوهره:
«هو إنتي عشان عشتي في المدن تعملي أمك بقسي؟ لا. الأم أم، حتى لو في الصين. خلي صاحبتك ليكي من المدن. روحي قعدي معاها. لو لقيتها بتكلم ولدتها بالطريقة دي، ليكي الحق تشوفي نفسك إنتي صح.»
هدي قامت وقفت، واقتنعت بالكلام، بس هي عنيدة، وقالت:
«برضوا هي المفروض تقدر إني ببني مستقبلي.»
جوهره:
«إنتي عارفة إيد ربنا دلوقتي؟ يخرب ليكي مستقبل بتاعك بسبب غضب قلب أمك عليكي. مش يمكن بعد شر يحصل حاجة لخاله سناء؟ ساعتها هتعملي إيه يا هدي؟»
هدي قامت حضنت جوهره وقالت:
«أنا مش عارفة أقولك إيه غير إنك بس ساعديني أتقرب من ربنا، وأصلح الأغلاط اللي بعملها.»
جوهره:
«حبيبتي، إنتي من هنا رايحة أختي. دلوقتي انزلي بوسي إيد العمه هدي.»
هدي:
«حاضر.»
سبتها، وجاية تفتح، لقت ليل داخل. هدي بصت لليل وقالت:
«يا بختك معاك جوهره. هي جوهره على اسم مسمّى.»
ليل بص لجوهره، ضحك ابتسامة رقيقة، وقال:
«عندك حق يا هدي.»
هدي خرجت من الأوضة، سابتهم.
ليل راح عند جوهره. جوهره جاية تمشي، راح ماسك إيدها وقال:
«ممكن تقفي تكلمي معايا شوية؟»
جوهره:
«اتفضل اتكلم.»
ليل:
«عينك في عيني لو سمحت. ولا عاوزه تحرميني من لون عيونك القمر؟»
جوهره ضحكت غصب عنها، وقالت:
«لو سمحت، مضحكنيش. عشان مش عاوزه أضحك.»
ليل:
«لا ونبي، متني ضحك.»
ومسك إيد جوهره، وباسها، وقال:
«تقبلي نفتح صفحة جديدة؟ نكون زوج وزوجة صالحين. وعد مني، حبي ليك هيكون زي حب رسول لزوجته عائشة.»
جوهره عيونها لمعت وقالت:
«المشكلة إنك مش حسيت بيا. إنت عارف إني معجبة بيك من أول ما دخلت الإعدادية؟ بس كنت بتتنمر على النقاب بتاعي. حسيتك أعجبت بيا عشان شكلي.»
ليل:
«بالعكس. أنا بسبب كلامك قلبي رق ليكي ومال. وبعدين ما احنا بنحب شيخ الشعراوي من غير ما نعرفه في الحقيقة، في مجرد صور وصوت. حبنا عشان كلامه وأخلاقه. وأنا حبيتك عشان أخلاقك قبل جمالك.»
جوهره مدت إيدها ليه وقالت:
«موافقة يا ليل. نبدأ صفحة جديدة.»
ثم قالت:
«الأهم توعدني نصلي حاضر.»
ليل:
«طبعًا.»
جوهره:
«كل يوم نصلي، ونصلي قيام الليل، ونقرأ ورد من القرآن كل يوم. موافق على شروطي؟»
ليل:
«طبعًا طبعًا موافق يا ست الناس. يا أجمل جوهره.»
هنا عدت الأيام، وبدأ الحال يتظبط. بدأت هدي وأمها علاقتهم تتحسن، ويتقربوا من ربنا. ليل وجوهره عايشين حياة سعيدة هادية. لكن جوهره مش مرتاحة لقرب هاجر ليها.
هاجر بتخبط على باب جناح جوهره. جوهره بتقفل الرواية اللي في إيدها، وتقوم تقف، وتقول:
«نعم حاضر، جاية.»
هاجر قبل ما جوهره تلبس نقاب، قالت:
«أنا جوهره، مش معايا حد.»
جوهره ادتها الأمان، وخرجت فتحت ليها باب الأوضة، وقالت:
«أهلا هاجر.»
هاجر كانت واقفة. ساهر أخوها كان مستخبي ورا العمود بتاع الأوضة، طلع الفون، ولقى وش جوهره، ففضل متنح لجمال دا.
هاجر بتلف حواليها تشوف ساهر خلص ولا لا. جوهره بتخش تسبها، بتقول:
«هااا يا هاجر؟ خشي. إنتي بدوري على إيه يا بنتي؟»
هاجر دخلت قالت:
«هااا، لا أصل أصل. الساعة كام معاكي دلوقتي؟ عشان ورايا امتحان في الكلية، قلت أجي أعدي عليكي عشان تدعي ليا.»
جوهره:
«الساعة يا ستي عشرة. ربنا معاكي يا رب. قبل ما تفتحي الورقة قولي: الكرسي، الإخلاص، الفلق، والناس. وتقولي في الآخر: لا إله إلا أنت سبحانك إني كنت من الظالمين. إن شاء الله ربنا يوفقك.»
هاجر:
«حبيبتي يا جوجو. تسلمي. المهم هو مفيش حد في البيت ليه؟ أنا شايفة إنك لوحدك.»
جوهره:
«ليل في الشركة صاحي من بدري. عمتي وعمي في المقابر بيزوروا أبو هدي. هدي في شغل. وأنا لسه صاحية، كنت بقرأ رواية.»
هاجر:
«اممم، آه آه، فهمت. ماشي يا حبيبتي. أنا همشي دلوقتي. إن شاء الله أشوفك بالليل لو نزلت، يعني.»
جوهره:
«تمام ماشي.»
سبتها. هاجر طلعت بره، بترن على ساهر، بتقول:
«إنت فين؟»
ساهر بيبص لصورة جوهره، اتسحر من جمالها، بيرد على هاجر بيقول:
«الخطة اتغيرت. أنا شايف إنها قاعدة في البيت لوحدها. إيه رأيك أروح ليها، وإنتي تكلمي ليل يجي يشوفها؟»
هاجر:
«لا يعم لا. يحصل حاجة. إنت بس فبرك الصور، ابعتها ليه برقم فيك.»
ساهر بخبث ريح اخته وقال:
«ماشي تمام.»
هنا هاجر بتمشي تروح الكلية، هي فرحانة حاسة إنها قربت توصل لليل.
عند جوهره، قاعدة في الأوضة، فردة شعرها، ماسكة رواية بتقرأ فيها، بتقول:
«الله، اسم حذيفة جميل جدًا. إن شاء الله أجيب ولد أسميه حذيفه ليل زيان.»
ساهر بيخش من الشباك، بيشوف ملاك قاعدة على سرير. بيقرب. جوهره سرحانة في الرواية اللي معاها. فجأة بتحس بوجود حد في الأوضة، بتشوف ساهر، بتقول:
«إنت مين؟ عاوز إيه؟ إنت إزاي دخلت الأوضة عليا؟»
بتجري عشان تلبس النقاب. ساهر بيمسك إيدها وقال:
«أنا الصراحة معجب بيكي أوي أوي يا جوهره. أرجوكي اديني فرصة. إنتي هتسيبي ليل عشاني؟»
جوهره بتفتح عينيها بصدمة، وتتعامل بحزم، وتبعد إيده، وتقول:




