قصص قصيرة

المنتقبه

جوهره:

«نورتوا. اتفضلوا.»

عند ساهر، شاب عايش حياته في المدن، وراح للإمارات عشان يكون نفسه. صاحبه سامح قال:

«خلاص، خلونا وهننزل مصر.»

ساهر كان بيلبس جاكت، وقال:

«بجد؟ دا أنا أمي وأختي وحشوني أوي بجد.»

سامح:

«وأنا وعهد الله. الطيارة أهي على وصول. اجهز.»

ساهر:

«أنا جاهز، بس ناقص الشنطة. المهم إنت عرفت إنك نازل؟»

سامح:

«لا، هسيبها مفاجأة، وأهي تفرح.»

ساهر:

«أشطا. أنا هعمل كده. يلا بينا.»

سامح خد ساهر للطيارة اللي بتعلن نزولها.

هدي جت أول مرة بدري، وهي داخلة شافت أمها سناء قاعدة. قالت بإهمال:

«هاي ماما، طالعة على سلم.»

سناء:

«هدي، استني. تعالي هنا. عاوزة أكلم معاكي.»

هدي:

«أوف يا ماما. بجد تعبانة أوي، مش قادرة حتى جيت بدري.»

سناء:

«إيه أوف دي؟ إنتي مش عارفة إن حرام تقولي لهم أوفا؟»

هدي راحت قعدت قدام أمها وقالت:

«يا الهوي، أبوس إيدك يا ماما. مش كل يوم. لا اتفضلي، أنا قعدت اهو. كلميني، إنتي عاوزه إيه؟»

سناء:

«يا ترى عارفة إن ابن عمك ليل اتجوز؟»

هدي:

«أنا مالي؟ دي حياته. هو يجوز مش يجوز، عادي.»

سناء:

«ازاي؟ إحنا قاعدين في نفس البيت. كلنا عيلة.»

هدي:

«عشان حاجة مش تخصني. كل واحد حر. أنا مالي بيه؟»

سناء ضربت كف على كف وقالت:

«طيب ماشي يا هدي. جوهره مرات ليل عاوزة تكلم معاكي، تعرفك.»

قامت هدي وقفت وقالت:

«مش معقول يا ماما. مقعداني دا كله عشان كده؟»

هنا طلع زيان من المكتب على صوت هدي، وقال بغضب:

«هدي!»

جوهره بتقلع نقابها، بتخش تجهز هدوم ليل، بتحطها على السرير، وتقعد. ليل طلع، وشاف لأول مرة هدومه مجهزة، وقال:

«جوهره.»

جوهره بوشها الهادي:

«نعم.»

ليل:

«احم، شكرًا على…»

لسه هيكمل كلامه، جوهره قالت:

«مفيش شكر. دا واجب. دا أبسط حاجة أعمله في واجبات زوجة. مش أكتر.»

ليل اتضايق من أسلوبها، وقال:

«طيب.»

فجأة جوهره قالت:

«جدي زيان بيزعق. لازم أنزل بسرعة.»

نزلت على السلم، وهي ناسية النقاب. ليل جري وراها، مسكها بسرعة، وخباها، وقال:

«إنتي ازاي هتنزلي كده من غير نقاب؟»

جوهره بصدمة:

«استغفر الله. بجد نسيت.»

وقالت:

«طب ممكن تسيبني؟ هخش ألبسه. انزل إنت شوف في إيه.»

ليل بضيق ساب إيدها ونزل. جوهره دخلت تلبس نقاب، ونزلت.

زيان قال:

«صوتك بقى عالي على أمك يا هدي. ومحدش عارف يلمك.»

هدي:

«أنا بعلّي صوتي على جدي، مش عليك.»

زيان بضيق:

«شوفت يا ليل؟ بت بترد عليا زي ما خايفة.»

ليل بضيق:

«مالك يا بت؟ سائقة العبط. محدش عارف يلمك.»

هدي بغضب:

«مين اللي أداك الحق إنك تكلم وتقول كده أصلًا؟»

هنا زيان لسه هيمد إيده عليها، بتقف جوهره في النص، بتاخد هدي ورا ضهرها، وقالت:

«جدي، سامحها. أنا هكلم معاها. أكيد مش قصدها.»

ليل:

«إنتي إيه اللي دخلك؟ ابعدي يا جوهره. سيبي جدي.»

جوهره:

«آسفة يا ليل، آسفة يا جدي. بس مش كده. أنا هكلم معاها. أكيد جاية من شغل مرهقة، وغصب عنها.»

زيان مسح وشه وقال:

«تمام، عشان خاطرك يا بنتس.»

جوهره مسكت إيد هدي، وخدتها على أوضتها، وقفلت الباب.

هدي سابت إيدها وقالت:

«إنتي تعرفيني عشان تدخلي بيني؟»

جوهره:

«يوه، دا أنا بحسبك تقولي لي شكرًا.»

هدي:

«شكرًا. عن إذنك. عاوزة أنام.»

جوهره:

«قعدي يا هدي. أنا عاوزة أكلم معاكي.»

هدي:

«أكلم معاكي ليه؟ أنا مش أعرفك كمان. أنا تعبانة، عاوزة أروح على أوضتي.»

هنا جوهره قالت:

«قعدي. أنا عاوزة أكلم معاكي يا هدي. ساعتها تعرفي أنا مين.»

سميه قاعدة بعد ما روحت بيتها، بتقول:

«أنا مش قادرة أصدق إن دي البت اللي اسمها جوهره.»

هاجر، وهي متغيظة، وقفت قدام المرايا وقالت:

«هي أحسن مني يا أمي؟»

سميه:

«لا طبعًا يا بت. دا إنتي قمر. أحسن منها. هي بس اللي نص عيونها زرقا.»

هاجر:

«اممم. طب أنا لازم أخلص منها. أنا مش قادرة أستحمل فكرة إنها مع ليل.»

فجأة الباب خبط. سميه قالت:

«يا ترى مين اللي جاي في الوقت دا؟»

هاجر:

«استني، هروح أفتح.»

راحت هاجر عشان تفتح الباب، شافت ساهر أخوها، فقالت بفرحة:

«ساهرررر!»

ساهر بحب حضنها، ولف بيها جامد، وقال:

«هاجر، وحشتيني.»

سميه سمعت صوت ابنها، طلعت تجري، وقالت:

«ساهر، ابني حبيبي. وحشتني.»

ساهر جري عليها، حضنها، وقال:

«وحشتيني أوي أوي يا ماما.»

سميه دخلت ساهر، وقالت:

«نورت بيتك يا حبيبي.»

هاجر:

«جيت امتى يا ساهر؟ ليه مش عرفتنا؟»

ساهر:

«والله قلت أعملها مفاجأة. المهم أخبارك إيه يا هاجر؟»

هاجر:

«بخير يا حبيبي. الحمد لله إنك جيت لينا بسلامة.»

هنا جت ليها فكرة، وقالت:

«أما أنا شايفة ليك عروسة. إنما إيه؟»

ساهر:

«لا يا ماما. أنا عامل زي الفريك. مش ليه شريك. مش بحب أدبس.»

ضحكت هاجر وقالت:

«مش لما تشوفها الأول؟ يمكن تعجبك. تاخدها ليك بقى.»

ساهر:

«طب اممم، ماشي. هخش آخد حمام، ولما أطلع نشوف الموضوع دا.»

ليل قال:

«متزعلش نفسك يا جدي. هي إن شاء الله تعقل. بس لازم تتعاقب عشان تحس إن اللي فيه دا غلط.»

زيان:

«مش عارف يا بني. المشكلة إني صعبان عليا سناء. هي متعبة، سناء أوي.»

ليل:

«إن شاء الله ربنا يهديها.»

راح عند سناء اللي بتعيط على حالها وحال بنتها، وقال:

«عمتي، خلاص بقى. متزعليش نفسك. إن شاء الله جوهره تعرف تكلم معاها.»

سناء:

«والله يا بني أنا حاطة الأمل في كده. إن ربنا يهديها. يا رب.»

ليل:

«يا رب يا عمتي.»

وطلع في الأوضة يسمع جوهره بتكلم هدي في إيه.

جوهره قالت:

تابع المقال

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

شاهد أيضاً
إغلاق
زر الذهاب إلى الأعلى