قصص قصيرة

المنتقبه

«إنت بتقول ايه؟ ابعد عني. هصوت للناس.»

ليل خلص شغل بدري، فرح جدًا عشان يقضي اليوم مع جوهره. قرر يروح يجيب ليها ورد وشيكولاته. راح لمحل الورد، جاب بوكيه ورد بلدي، حط فيه شيكولاته، وبص للورد وقال:

«يشبهك يا جوهره.»

بيركب العربية، بيروح على الفيلا.

أنا جوهره بتبعد عنه، بتصوت، بتقول:

«ليل، الحقني.»

ساهر مش هبعد. «إنتي خلاص دخلتي دماغي يا جوهره.»

جوهره بتعيط، بتخبي وشها، وهي بتصوت باسم ليل. ليل بيوصل على الفيلا، بيسمع صوت جوهره، بيقلق، بيطلع يجري على السلم، بيقول:

«جوهره!»

ساهر بيسمع صوت حد طالع، بيسب جوهره، بينط من الشباك. جوهره بتقع على الأرض، بيغمى عليها من الخوف.

ليل بيخش الأوضة، وهو بينادي بكل ما عنده على جوهره. فجأة بيلقاها واقعة على الأرض، وشعرها واقع على وشها. بيخاف، بيقعد على الأرض، بيمسك راس جوهره، بيقول:

«جوهره، فوقي يا حبيبتي. أنا معاكي.»

بيشيلها، بيحطها على سرير.

عند ساهر، هرب بسرعة، وراح البيت بسرعة عشان يشوف أخته هاجر. هاجر قاعدة في الأوضة بتضحك على سخافة جوهره، بتقول:

«بكره ليل يسيبك، يجوزني أنا. أكون أنا مكانك.»

فجأة ساهر دخل عليها الأوضة بخوف، بيقعد، بيقول:

«هاجر.»

هاجر:

«مالك يا ساهر؟ في إيه؟ هاااا عملت صور عشان تبعتها لليل؟»

ساهر:

«هااااا لا، لسه بعملها اهو. أول ما هعملها هوريكي. أشطا.»

هاجر:

«أشطا كمان؟ باستغراب. أومال إنت كنت فين كدا يا منيل؟»

ساهر:

«هااا كنت مع صحابي كده. أنا هقوم بقى عشان أشتغل على صور.»

جوهره نايمة على سرير بتعيط، ماسكة في حضن ليل، بتقول:

«متسبنيش. أنا خايفة أوي أوي.»

ليل:

«إنتي فوقتي اهو. في إيه؟ حصل إيه يا جوهره؟ كنتي بتصوتي ليه؟»

جوهره:

«أصل أصل، كان في حد في الأوضة.»

ليل:

«حد؟ ماشي. الأمن ابن الوس. أما أطلع ليهم بس.»

جوهره:

«خلاص يا حبيبي. حصل خير. كله عدي. المهم إني معاك اهو. محصلش حاجة.»

ليل بخوف:

«هو أنا هستنى لحد ما يحصل فجأة؟»

بيتبعت ليه رسالة على الفون. بيفتح الفون، بيتصدم. بيبص لجوهره، بيقول:

«إيه دا؟»

جوهره بترفع راسها، بتبص في الفون، بتفتح عينيها بصدمة، بتقول:

«إيه دا؟ مين دي؟ والله ما أنا.»

ليل هنا بينزل بإيده، بيعاتبها بحدة، بيقول:

«إنتي عاملة فيها العفيفة الشفيفة يا بنت؟»

جوهره بتعيط بصدمة، بتقول:

«والله العظيم ما أنا. أنا منقبة. أنا محدش يعرف شكلي غيرك.»

العيلة كلها بتخش على صوت ليل وجوهره. الجد بيقول:

«إنت بتعمل إيه يا ليل في جوهره؟»

بتجري هدي وسناء على جوهره اللي بوقها بينزل دم. هدي بتحضنها بتقول:

«اهدي يا حبيبتي. في إيه؟ إيه اللي حصل؟ أكيد شيطان دخل بينكم.»

سناء بتجري تجيب منديل، بتمسح وشها، بتقول:

«في إيه يا ليل؟ إنت ازاي تعمل في بنتنا كده؟»

ليل بضيق مش بيرد على حد، بيسب جده، بيطلع يجري بره الفيلا. هو مش مصدق نفسه. مش مصدق إن جوهره تعمل كده. ازاي؟ بس هو راجل، طبيعي لما يشوف صورة مراته فيها شبهة، يغضب.

الجد بيقعد جنب جوهره، بيقول:

«إيه اللي حصل يا بنتي؟»

جوهره:

«والله يا جدي، ما أنا اللي في الصور. أنا أخلاقي مش كده.»

وبتدخل في نوبة صويت. هدي وسناء:

«بس بس يا حبيبتي. احنا واثقين فيكي. فهمنا بهدوء.»

فجأة جوهره بتفقد الوعي، بتقع من طولها.

عند ساهر، مكسور الخط، قاعد جنب أخته هاجر، وقال:

«الصور وصلت وشافها.»

هاجر بشر قامت وقفت بفرحة، وقالت:

«أحسن. تستاهل. عشان يبقي يسبني ويروح ليها هي.»

ساهر:

«احم، أنا خايف ليعرف إن أنا. أو تحكي إني اتعرضت ليها.»

هاجر بصدمة:

«إنت عملت إيه؟ إنت هببت إيه؟ الله يخربيتك.»

ساهر:

«هو هو أنا مكنتش هعمل حاجة. بس هي اللي جميلة أوي أوي. الصراحة.»

هاجر:

«إنت تحكي ليا بالتفصيل الممل. إنت عملت إيه؟»

ساهر قعد حكى كل حاجة. قال:

«أنا ملحقتش أعمل حاجة. أنا هربت. هو داخل.»

هاجر قعدت وقالت:

«ربنا يستر. إنت ليك دماغ. أنا قلت لا، على أد صور عشان شبهات تبقى بعيدة عننا.»

سميه بتيجي بتقول:

«يلا يا ولاد عشان العشاء جهز.»

عند ليل، ماشي بالعربية، دموعه نازلة من عينه، صور مش قادرة تطلع من دماغه. بيقول:

«إنتي يا جوهره، اعملي فيا كده؟»

بيمشي بالعربية، وآخر لحظة كان هيوقع من على جبل. بيوقف بسرعة، بيقول:

«لا لا يا ليل. إنت واثق في أخلاق جوهره. مينفعش تتعامل بالوضع دا. لا لا. لازم أسمعها. لازم أفهمها.»

بيرجع بالعربية بسرعة.

هدي قاعدة عمالة تعيط، بترن على ليل، بتقول:

«هو راح فين؟ سابها كده. أنا يا جدو مش هسمح لحد يزعل جوهره.»

الجد:

«محدش يقدر يا حبيبتي. دي بنتنا زي ما إنتي بنتنا. دي جوهره، وأنا واثق في أخلاقها.»

سناء:

«أنا هقوم أبص عليها. أكيد زمانها صحيت.»

هدي قامت وقفت وقالت:

«خدني معاكي يا ماما.»

ساهر قاعد بيبص للصور اللي على التاب، بيقول:

«أما إنتي جميلة بشكل ياهاااا. لو تكوني مراتي بتاعتي.»

بتخش سميه عليه بعد ما العشا بيخلص، بتقول:

«انهار أسود منيل على دماغك. إيه اللي إنت بتشوفه دا؟»

بتقول:

«دي صور جوهره.»

ساهر بخوف بيقفل التاب بسرعة وقال:

«لا لا لا. دي صور نزلت ليها فضول، فبصيت ليها.»

سميه بتقعد جنب ساهر وقالت:

«يمكن أنا مكنتش بحبها عشان كنت فاكرة إنها اخدت ليل من اختك. بس أنا قعدت فكرت، قلت هي إيه ذنبها في دا كله؟ إن كل حاجة في حياتنا نصيب. هي مش آذتني. إن شاء الله ربنا يعوض بنتي. فاوعى يا ساهر يكون ليك يد في الموضوع دا. أصلها أخلاق ما شاء الله.»

ساهر بيحس بندم، بيقول:

«لا لا يا ماما، متخافيش. مش أنا. أصلا مش أعرفها.»

سميه بتحضنه، بتقول:

«وحشتني يا بني. والله ربنا يخليك ليا إنت واختك. هي بتقول: دان تدان يا ساهر.»

ساهر بخوف وضميره وجعه لو للحظة، وقال:

تابع المقال

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

شاهد أيضاً
إغلاق
زر الذهاب إلى الأعلى