هاجر كانت حاطة ألوان على وشها، وقالت:
«حاجة يا ما حاضر. قربت أخلص أهو.»
سميه راحت عندها وقالت:
«إيه القمر دا يا بت؟ مش عارفة ازاي يسب واحدة بالجمال دا، ويروح يحب واحدة لابسة نقاب؟ تلاقيها معيوبة.»
هاجر:
«بكره. يلا اللي حصل. بس أنا مسيري أوقعه تحت رجليا، وأشوه صورتها قدامه. بس أخويا ساهر ينزل من الإمارات.»
سميه:
«إن شاء الله. يلا عشان مش نتأخر عليهم.»
عند ليل، دخل المكتب بهيبة ووقار، قاعد ماسك الورق، لكن صورة جوهره على باله. قال:
«عملتي فيا إيه يا صاحبة العيون الزرقاء؟»
دخل عليه صديقه وقال:
«الأستاذ سنجل ولا مرتبط أصلي مغرم؟»
ليل بضيق:
«مفيش باب تخط عليه يا أستاذ صديق.»
صديق بضحك:
«يوه، اخس عليك. مش عيب كده تقابل صحبك بالطريقة دي؟»
ليل:
«اطلع يا صديق، وقفل الباب. وخلاص أنا اللي هقرر تخش ولا لا.»
صديق خرج وقفل الباب. ليل سمح له يخش، وقال:
«إنت عاوز إيه بقى؟ انطق عشان مشغول ورايا حاجات كتيرة.»
صديق قعد وقال:
«أول حاجة، ألف ألف مليون مبروك على الجوازة. يا حوزنها اللي وقعت في اربيزك، قصدي يا بختها.»
ليل قام وقال:
«اطلع بره المكتب بسرعة قبل ما أزعل منك.»
صديق بضحك قام، وراح عند الباب وقال:
«ليل.»
ليل:
«نعم يا صديق.»
صديق:
«روح يشيخ، ربنا يفتح في وشك 155 غرزة. هاهاها.»
ليل بضيق مسك ملف ورماه في وش صديق، وقال:
«غور من وشي يا معفن.»
صديق قفل الباب وطلع يجري بره.
عند جوهره، لبست عباية سودا جميلة، فضفاضة، ولبست النقاب الأسود لأن اللون قريب لقلبها، ونزلت على السلم. كانت قاعدة سميه وهاجر بنتها. فجأة سميه بصت للسلم واتهزت وقالت:
«أعوذ بالله، أعوذ بالله. مين دي اللي نازلة؟ شيطان؟»
ليل كان وصل وسمع صوت سميه، وقال:
«لا، دي مش شيطان. دي فاكهة ليل.»
راح عند جوهره، مسك إيدها وقال:
«دي جوهره مراتي.»
جوهره اتضايقت من الست دي، قلبها اتقبض، ونزلت مع ليل وقالت:
«لا يا طنط، دا نقاب. مش حاجة تخفي. دا النقاب اللي زوجات رسول عليه أفضل الصلاة والسلام كانوا بيلبسوه.»
سميه وهاجر انكتموا، ما عرفوش يردوا. هاجر ضحكت ضحكة صفرا، ومدت إيدها وقالت:
«هههه، متزعليش. بس ماما بتحب تهزر شوية.»
جوهره بصت ليها، وقالت بينها وبين نفسها:
«إيه كمية التبرج اللي عملاه في نفسها دي؟ ربنا يهدي.»
هاجر قالت:
«ألف ألف مبروك، يا رب يا حبيبتي.»
جوهره قعدت وقالت:
«الله يبارك فيكي يا حبيبتي. عقبالك إن شاء الله.»
ليل قاعد ماسك إيد جوهره، وبيبص ليها بحب. خرجت سناء بالمشروب والفاكهة، وقالت:
«منورين كلكم.»
خدوا العصير. ليل مسك كوباية العصير، وقرب على جوهره قدام كل الناس، وشربها العصير تحت النقاب. جوهره بصت له بعينيها الزرقاء، وقلبها بيدق، ومسكت كوباية من إيده، وابتسمت تحت النقاب.
هاجر عمالة تاكل في صوابعها بغيظ، وقالت:
«إيه اللي عجبه فيها؟»
فجأة سميه قالت:
«مش هتورينا شكلك يا عروسة؟ ولا إنتي خايفة من حاجة؟»
ليل لسه هيكلم، لكن سناء… كانت رفعت جوهره النقاب من على وشها، وشعرها الأصفر بينزل على عينيها. هاجر وسميه قاموا وقفوا بصدمة، وقالوا في نفس واحد:
«مش معقول! إنتي دي؟ وبجمال دا؟»
هاجر بغل:
«جميلة أوي. ليه مخبية جمالك؟ شكلك بتخافي من الحسد.»
جوهره:
«لا، بالعكس. الحسد مذكور في القرآن، بس أنا بستعيذ بالله. لأن المكتوب هو اللي هيكون. أنا مش لابسة نقاب عشان خايفة من حاجة، بالعكس، دا أنا لابسته حبًا في سنة زوجات رسول عليه أفضل الصلاة والسلام، وحبًا في السيدة عائشة، وحبًا كمان إن جوزي هو الراجل الوحيد بعد أبويا وأخويا اللي يشوف جمالي.»
ليل سمع كل حاجة، وزاد إعجابه بجوهره. قام وقف جنبها، مسك إيدها، وباسها من راسها، وقال:
«أنا بحبها كده. بحب إنها مخبية جمالها ليا أنا قدام كل الناس. هاخد رسول قدوتي. هحبك حب رسول لعائشة.»
جوهره قلبها دق لأول مرة، وحنّت وقالت:
«ربنا يديمك ليا يا ليل.»
هاجر كانت وصلت لمرحلة غضبها، وكانت هتكلم، لكن سميه مسكت إيدها وقالت:
«لا، اهدي. احنا عاوزين ناخدها على حجرنا.»
هاجر:
«مش شايفة بيحب فيها قدامنا ازاي؟ ولا جمالها ولا كلامها اللي عاوزة تثبت أنها بريئة. بكره هوري البريئة اللي على حقيقتها.»
سميه:
«أيوه كده. المهم إنك تكسبيها في صفك، تتقربي، وتحسسيها إنك عاوزة تكوني زيها.»
هاجر:
«حاضر يا ما حاضر.»
راحت عند جوهره وقالت:
«جوهره، أنا بجد حبيت شخصيتك. نفسي أتقرب من ربنا. إن شاء الله عاوزة أبقى أجي أقعد معاكي براحتنا.»
ليل بص لجوهره بفخر، وحمد ربنا إنه سمع كلام جده. وقال:
«أنا طالع على أوضتنا يا جوهره.»
جوهره:
«ماشي.»
بصت لهاجر وقالت:
«أكيد يا حبيبتي. أنا موجودة في البيت دائمًا، في أي وقت تحبي تيجي فيه.»
سميه وهاجر:
«تمام يا حبيبتي، تسلمي. عن إذنك بقى.»
