كانت ليليان تسير في الممرات الواسعة تنظر للجدول الدراسي والمباني الشاهقة وهي تشعر بالرهبة والذهول من سرعة نقل ملفها. وفجأة اصطدمت بفتاة كانت تسير بالاتجاه المعاكس.
سقطت بعض الأوراق، فقالت ليليان بسرعة:
_ “أسفة جداً! مقصدتش.”
ابتسمت الفتاة الأخرى بلطف وقالت:
_ “ولا يهمك يا قمر محصلش حاجة.. واضح إنك جديدة هنا وتايهة شوية؟”
ليليان:
_ “أيوة فعلاً، أنا نقلت حديثاً من جامعة الزقازيق ل هنا ومش عارفة القاعات كويسة.”
الفتاة بحماس وهي تمد يدها:
_ “أنا اسمي سارة، في سنة ثانية هندسة برضه.. وريني كده جدولك؟”
نظرت سارة للجدول وصاحت ببهجة:
_ “إيه ده! أنتِ معايا في نفس الدفعة والمجموعة! ده إحنا كدة نبقى أصحاب فوراً!”
ابتسمت ليليان بصفاء وظهرت غمازتها:
_ “أكيد طبعاً، ياريت! أنا اسمي ليليان.”
سارة:
_ “اسم جميل وملائكي.. يلا بينا نلحق المحاضرة الأولى عشان الدكتور نادر النوادر مش بيرحم حد يمر بعده!”
ضحكت ليليان بصفاء:
_ “مين نادر النوادر ده؟”
سارة:
_ “تعالي أحكيلك عنه في الطريق!”
(سارة: فتاة جميلة ومرحة، محجبة بأناقة، صريحة وطيبة القلب، والدها مدير بنك في دبي وهي تعيش مع والدتها في القاهرة).
في البرج الإداري لشركات الجارحي..
كان زين يجلس في مكتبه يتابع التقارير، ودخلت سهيلة السكرتيرة ببعض الأوراق.
زين بجدية:
_ “سهيلة، الأستاذة ليليان هتتوجه للمكتب هنا بعد انتهاء محاضراتها، هتكون متدربة وسكرتيرة تنظيمية معايا. عاوز نظام كامل وتنسيق لمكتبها الملحق بمكتبي.”
سهيلة باستغراب وقليل من الغيرة الإدارية:
_ “أمرك يا باشا.. بس هي حابة تعرف مواعيد العمل الرسمية والالتزام؟”
زين بنبرة حادة وقاطعة أرعبت سهيلة:
_ “الزمي حدودك كويس يا سهيلة! هي تيجي في الوقت اللي يناسب جدولها الدراسي وتمشي براحتها.. وحسك عينك أعرف إن حد في الشركة أو إدارة السكرتارية حاول يضايقها أو يوجه لها كلمة سخيفة.. مفهوم؟”
سهيلة بتوتر شديد:
_ “مفهوم جداً يا فندم، أسفة.”
في تلك اللحظة، رن هاتف زين المباشر وكان المتصل عم حسن.
رد زين فوراً بتقدير:
_ “السلام عليكم يا عم حسن.. أهلاً بك.”
عم حسن:
_ “وعليكم السلام يا زين الرجال.. أخبارك إيه، وليليان أمورها عاملة إيه؟”
زين:
_ “الحمد لله كله تمام، هي حالياً في جامعة القاهرة، وأمورها مستقرة ونقل الملفات تم رسمياً.. متقلقش عليها أبداً.”
عم حسن بنبرة تحمل تعباً مكتوماً:
_ “عارف يا بني إنك قديها وزيادة.. خلي بالك منها، وما تقولهاش إني اتصلت بيك. عاوزها تركز في دراستها وتنسى الضغوط اللي مرت بيها في الشرقية.”
زين بلاحظة اهتمام:
_ “مالك يا عم حسن؟ صوتك متغيّر.. أنت تعبان ولا حاجة؟”
عم حسن بتهدئة:
_ “لا يا بني، إرهاق طريق بس ومش أكتر.. المهم حافظ على الأمانة اللي بين يديك.”
زين:
_ “في عينيا يا عم حسن، متقلقش خالص.”
في ساحة الجامعة بالقاهرة..
كانت ليليان وسارة تجلسان في الكافتيريا بعد انتهاء المحاضرات.
سارة بابتسامة:
_ “يااه، أخيراً خلصنا من محاضرة نادر النوادر! تعالي نشرب حاجة دافية أو عصير.”
تذكرت ليليان موقف اللبن مع زين وابتسمت بخفوت:
_ “ربنا يسامحك يا زين بيه..”
سارة:
_ “بتقولي إيه يا ليليان؟ مش سامعة.”
ليليان:
_ “لا ولا حاجة، بقولك مش هقدر أقعد أكتر من كده عشان لازم أطلع على مقر التدريب والعمل.”
سارة بفضول إيجابي:
_ “أنتِ بتتدربي في شركة؟ فين؟”
ليليان:
_ “في مجموعة شركات الجارحي الاستثمارية.”
اتسعت عينا سارة بذهول:
_ “يا بنت المحظوظة! شركات الجارحي؟! ده الدخول هناك كمتدربة محتاج معجزة وتفوق خيالي! وصلتي هناك إزاي؟”
ارتبكت ليليان وحاولت التملص بذكاء:
_ “عن طريق توصية واستشارة قانونية من صديق لأسرتنا.. هبقى أحكيلك التفاصيل بعدين، لازم أمشي دلوقتي عشان السواق مستني.”
وصلت ليليان لمقر شركات الجارحي، وركبت المصعد الإداري المخصص لرؤساء القطاعات.
في المصعد، كان يقف شاب وسيم جداً، طويل القامة، بعينين رماديتين وملابس أنيقة للغاية.
نظر الشاب لليليان بابتسامة ودودة واستغراب:
_ “أهلاً.. أنتِ طالعة دور الإدارة العليا؟”
نظرت له ليليان بهدوء وقالت:
_ “أيوة، حضتك بتكلمني أنا؟”
ابتسم الشاب وقال بلمحة مرحة:
_ “أكيد بكلمك أنتِ، المصعد ده خاص بالمجلس التنفيذي ورؤساء القطاعات، وأنا أول مرة أشوف الملامح الهادية دي هنا.”
ليليان بنبرة رسمية:
_ “أنا المتدربة والسكرتيرة التنفيذية الجديدة لزين باشا.”
فتح باب المصعد، فسبقها الشاب بخطوات سريعة ودخل مكتب زين مباشرة دون استئذان.
كان زين يجلس خلف مكتبه، ورفع رأسه قائلاً:
_ “أهلاً يا مراد.. ها، تقرير مشروع التوسع الاستثماري جاهز؟”
(مراد الألفي: الصديق المقرب لزين وشريكه في بعض الأسهم الاستثمارية، شاب وسيم ومرح للغاية، ولكنه كفء جداً في عمله).
مراد بتمثيل وثقة:
_ “عيب عليك يا زين، أنت شاكك في قدراتي ولا إيه؟ الورق كله جاهز.”
في تلك اللحظة دخلت ليليان المكتب بوقار وهدوء، فنظر إليها مراد بابتسامة إعجاب شديد ثم التفت لزين:
_ “مش تعرفنا يا زين على الكفاءات الجديدة دي؟”
نظر زين لمراد بحدة مكتومة، ثم نظر لليليان وقرر وضع حد فورياً لحسم أي فضول، فقال بوضوح وصوت ثابت:
_ “أكيد طبعاً.. ليليان الجارحي، مراتي.. ليليان، ده مراد الألفي، صاحبي وشريكي.”
اتسعت عينا مراد بصدمة وشلل مؤقت:
_ “مراتك؟! أنت اتجوزت من ورايا يا زين؟!”
زين بتجاهل لصدمة مراد، التفت لليليان وقال برفق ورسمية:
_ “ليليان، ادخلي المكتب الملحق بيكي، هتلاقي مجموعة إيميلات وتقارير هندسية محتاجة مراجعة وتنظيم، ابدأي فيها.”
ليليان بالطاعة:
_ “حاضر يا زين بيه.”
بعد أن أغلقت ليليان الباب، التفت مراد لزين بذهول:
_ “أنت بتشتغلني ولا بتتكلم جد؟ دي زوجتك بجد ولا بتدرب عندك؟”
جلس زين بهدوء وشرح لمراد الخطوط العريضة للموضوع: إنها ابنة صديق قديم لوالده بالتبني (عم حسن)، وأن هناك نزاعات مالية وقانونية مع أعمامها لحرمانها من ممتلكاتها، وأن الزواج تم رسمياً لتوفير الحماية القانونية والمكانة الاجتماعية لها لحين استرداد حقوقها بالكامل.
مراد بتفهم وإعجاب بموقف زين:
_ “جدع يا زين.. موقفه صلب ودايماً راجل. بس برضه تزوج من غير ما تقولي!”
زين بجدية:
_ “الموضوع تم في ساعات قليلة لحمايتها قانونياً.. وأمام جميع الموظفين هي المتدربة والسكرتيرة الخاصة، لغاية ما القضايا تحسم.”
غمز مراد بمكر وحب يستفزه:
_ “بس بصراحة يا زين.. ذوقك رفيع جداً، هادية وجميلة جداً!”
زين بنظرة نارية وحازمة جعلت مراد يتراجع:
_ “مراد! التزم حدودك.. دي بقت ليليان الجارحي، فاهم ولا لأ؟”
ضحك مراد برفع يديه للاستسلام:
_ “فاهم يا سيدي فاهم! خلاص حرمنا يستحيل نقرب من حماك!”
في مساء ذلك اليوم..
في بيت الجارحي، كان زين وليليان يجلسان على طاولة الطعام.
أنهت ليليان طعامها وقامت لتصعد لجناحها، فقال زين ببرود:
_ “مت قوميش من مكانك قبل ما تشربي كوباية اللبن الخاصة بالليل.”
ليليان بتوسل:
_ “بجد يا زين بيه، بطني بتوجعني منه ومش هعرف أنام!”
زين بثبات:
_ “اتفضلي اشربيها، بدل ما نطبق القواعد الإدارية للتخلف عن القوانين.”
تنهدت ليليان واستسلمت، وشربت الكوب كاملاً ثم صعدت للجناح.
بعد ساعة، دخل زين الجناح ليجد ليليان تجلس على السرير تقرأ في أحد الكتب المنهجية.
زين بجدية وهدوء:
_ “أنتِ قابلتي مراد في المصعد الصبح؟”
ليليان بصدق:
_ “أيوة، وسألني عن الصفة الوظيفية وقلت له إني المتدربة الجديدة.”
زين برضا مكتوم لصدقها:
_ “تمام.. ياريت تعاملك في الشركة يقتصر عليا وعلى المهام التنفيذية المباشرة، ومفيش داعي لأي أحاديث جانبية مع أي حد.”
ليليان بتفهم:
_ “حاضر.”
في تمام الساعة الثالثة والربع فجراً..
اهتز هاتف زين على الطاولة المجاورة. استيقظ زين فوراً ورد بصوت خفيض:
_ “أيوة..”
صوت المتصل (أحد معارف عم حسن في المستشفى بالشرقية) بحزن شديد:
_ “زين باشا.. البقاء لله، عم حسن جاله نوبة قلبية حادة وتوفى من ساعة في المستشفى.”
انتفض زين واقفا في مكانه، وصدمة هائلة تلجم لسانه.
قامت ليليان مذعورة من حركته الفجائية:
_ “زين بيه!.. فيه حاجة؟ أنت كويس؟”
زين وهو يحاول السيطرة على ذهوله وصدمته وحزنه الشديد على الرجل الذي يعتبره أباه، نظر إليها وقال بصوت متماسك بصعوبة:
_ “مفيش.. فيه حالة طارئة في أحد مصانع الصلب التابعة للشركة، لازم أسافر فوراً أتابعها.. كملي نومك.”
غير زين ملابسه بسرعة وسافر فوراً تحت حراسة مشددة إلى الشرقية، ليقف بجانب زوجة عم حسن وينظم مراسم الجنازة والدفن بنفسه، مع الحفاظ على سرية وجود ليليان وحمايتها القانونية، مبتدئاً مرحلة جديدة من الصراع وحماية الأمانة التي تركها له الراجل الطيب.
“هذه القصة من وحي خيال الكاتب، وأي تشابه بينها وبين الواقع في الأسماء أو الأحداث هو محض صدفة غير مقصودة.”
