أخدتها هنيه في حضنها وطبطبت عليها بصمت. هي عارفة كويس إنها أوجعت سارة لما ضغطت عليها بعد وفاة كريم، بس هي في النهاية أم وجدة.. كانت خايفة على سارة وعلى الأحفاد. سارة لسه صغيرة وجميلة، ولو مشيت وتجوزت راجل غريب، هل الراجل الغريب ده هيكون حنين على أطفال مش ولاده؟! ما لقيتش أنسب ولا أحن من ابنها الأكبر “أدهم”، لأنه شاب شهام وجدع وبيحب الصغار، وهيكون ليهم أب حقيقي.
قالت هنيه بصوت ضعيف مكسور:
«والله يا ساره انتِ أكتر من بنتي.. لو مكنتيش كده مكنتش جوزتك ابني. أهو شاب في زهرة شبابه، مرة واحدة بقى متجوز أرملة أخوه ومعاه عيلين، بس هو راضي بقضاء ربنا.. ربنا يهديكي يا بنتي ويصبر ابني عليكي ويحنن قلبك عليه.»
على الناحية التانية، كان أدهم قاعد في عربيته راكن على جنب الشارع، شارد الذهن وبيفكر في حياته اللي اتغيرت فجأة وبدون مقدمات. لحد دلوقتي مش قادر يستوعب كمية التغيرات والسريعة اللي حصلت معاه.
أدهم.. الشاب صاحب العيون السوداء الكحيلة، والوجه الرجولي الجذاب، والشعر الأسود الفاحم. كان فتى أحلام كتير من البنات في عليلته ومعارفه. كان بارع ومتفوق في دراسته من صغره، دخل كلية الهندسة قسم العمارة، وجاب تقدير امتياز وأخد منحة للدراسة والتطوير في الخارج. كان أهم شيء عنده في الحياة هو العمل والشغف المهني فقط.. ما كانش بيفكر في الجواز ولا الحب.
كان بيجي مصر زيارات متباعدة لأهله كل فترة طويلة. جيه يوم جواز أخوه كريم، وشاف قصة الحب الكبيرة اللي جمعت بين كريم وسارة، ورأي نظرة العشق والصفاء في عيونهم، وفرح ليهم من قلبه ورجع تاني لحياته وشغله برة.
ولكن تذكر اليوم المشؤوم اللي جاله فيه خبر وفاة أخوه كريم.. ما قدرش يحضر الجنازة لظروف القهر والسفر، وجيه بعد الوفاة بشهرين. أول ما وصل، أحب طفلي أخوه “حازم وحمزة” جداً وبقوا حتة من قلبه، ورأى نظرة الضياع والكسرة في عيون أرملة أخوه “سارة”. وبعدها جيه قرار أمه الحاسم بالزواز منها عشان يلموا شمل العيلة. أدهم ما عارضش ووافق فوراً؛ فهو رجل عملي ولا يؤمن بنظرية الحب الأفلاطوني من أول نظرة، وافق عشان خاطر الصغار وحماية لبيت أخوه.
بس سارة كانت صريحة معاه لحد الوجع.. هو صحيح ما كانش بيحبها حب قيس وليلى، بس لما ست تقول لراجل في وشه إنها مش عايزاه وإن جسمها بس اللي معاه، ده شيء بيمس كبرياء أي راجل وبيعلمه. رغم كده، أدهم استحمل وعامل ربنا فيها وفي الأطفال. حاول معاها كتير وبكل الطرق الراقية عشان يبنوا عيلة حنونة ودافية للأولاد، بس هي كانت دايماً بتحط سور وثاقب من الثلج بينه وبينها. أدهم كان واقف مش عارف يعمل إيه تاني مع السيدة دي، هو ما يعرفش عنها غير اسمها وإنه في سن أخوه المتوفي.
وفي اتجاه تاني خالص من المدينة، وفي أحد مراكز التجميل الراقية (الكوافير):
كانت بتجلس سيدة أنيقة جداً، بشرتها بيضاء صافية، وعيونها زرقاء زي البحر، وشعرها ناري شديد الحمرة اسمها “داليا”.
صرخت داليا بعنف في وش الكوافير المصدومة:
«انتِ متخلفة ولا إيه؟! إيه العنف والغباء اللي بتتعاملي بيه ده؟!»
ردت البنت (سحر) وهي خايفة وترتعش:
«أسفة يا فندم.. بس والله أنا مش عنيفة، شعر حضرتك مقصف ومحتاج شغل واهتمام.»
داليا صرخت برعونة وقسوة:
«شغل إيه وبتاع إيه يا زبالة أنتِ؟! أنتِ واحدة مبتفهميش حاجة خالص! حسابك معايا بعدين.. أنا لو قلت لشكري صاحب المكان هيخلي يرميكي رمية الكلاب برة!»
خرجت داليا وهي بتبرطم وتتوعد، وتسيب البنت واقفة مع زميلتها رحاب.
قربت رحاب من سحر وقالت لها بتهدئة:
«مالك يا سحر؟ بتترعشي ليه؟»
سحر بقلة حيلة: «الست دي معرفش مالها، مش طايقة نفسها ولا طايقة حد يلمسها!»
رحاب بسخرية: «سيبك منها يا شيخة! دي داليا، واحدة واخدة قلم في نفسها ومغرورة، فاكرة إن كل الرجالة هيموتوا عليها وإن كل الستات بيغيروا منها عشان حلوة.»
سحر بقلق: «بس دي قالت هتشتكي لشكري بيه..»
رحاب: «ولا هيقدر يعمل حاجة متخافيش، شكري عارف البير وغطاه وعارف الولية دي كويس أوي.. سيبك منها وكملي شغلك.»
خرجت داليا وعلامات الغضب على وشها، طلعت هاتفها الأخير وضغطت على رقم معين.. بعد ثواني جزر الرد:
«ألو يا قلبي.. خير يا دودي عايزه إيه؟»
داليا بحنق: «انت فين يا أحمد؟»
أحمد بلامبالاة: «في الشقة الجديدة..»
داليا بسخرية وتهكم: «معاك العروسة الجديدة ولا إيه؟»
أحمد بضحكة ماكرة: «عيب عليكي يا دودي.. انتِ تعرفي عني كده برضه؟»
داليا: «أنا جيلالك حالا، خليك عندك وماتتحركش.»
أحمد: «مستنيكي يا جميل.»
وبعد ساعتين.. في إحدى الشقق المغلقة، كانت داليا بتقوم من على الكنبة بتعدل هدومها وتصلح شعرها، وبتبص لأحمد بعتاب:
«خلاص يا أحمد؟ هانت عليك داليا؟ هتتجوز وهتنساني خالص؟»
أحمد بص لها بنظرة ماكرة وخبيثة وقال:
«إيه يا دودي؟ هو انتِ متعر فيش انتِ بالنسبالي إيه برضه؟ انتِ الأساس يا جبل ما يهزك ريح!»
داليا بضيق وحيرة: «أخوك الكبير جاي من السفر.. وانت هتتجوز، ومش هنعرف نشوف بعض زي زمان خالص!»
أحمد اتفاجأ وسألها بتعجب:
«أخويا أنا جاي؟! انتِ مش قلتِ إنه هيستنى برة سنة كمان؟»
داليا بتهكم وقسوة: «عايز يجي يطمن على المحروس ابنه! آه.. لو يعرف إن الواد ده ابن أخوه مش ابنه هو.. تفتكر هيعمل فينا إيه لو اكتشف الحقيقة؟!»
أحمد اتغيرت ملامحه للغضب وقفز من مكانه:
«داليا! طريقة كلامك دي مش عاجباني خالص! إحنا الاتنين زي بعض وفي الهوا سوا، ولا انتِ فاكرة نفسك ملاك نزل من السماء؟! أنتِ اللي كنتِ بتيجي شقة أخو جوزك العازب وتلبسي وتتدلعي وتعملي الحركات دي.. وبلاش أقول انتِ كنتِ بتعملي إيه بالظبط عشان خلي الطابق مستور زي ما بيقولوا!»
في اللحظة دي، رن هاتف أحمد بنغمة عالية.. بص للشاشة ولما شاف الاسم اتعدل.
داليا بتهكم وغيرة: «روح شوف حبيبة القلب والعريس المنتظر!»
أحمد بص لها بنظرة حادة خلتها تسكت خالص، وأخد التليفون ورد بنبرة مختلفة تماماً:
«ألو.. أهلاً يا نور، خير؟»
نور بصوت رقيق ونبرة رومانسية:
«أحمد حبيبي.. مش هتيجي معايا عشان نجيب الحاجات الناقصة لشقتنا؟ إحنا فرحنا الأسبوع الجاي يا أحمد والمفروض نخلص الأوراق والتفاصيل!»
أحمد بضيق مكتوم وتأفف:
«بقولك إيه يا نور.. أنا مش فاضي دلوقتي خالص ومش فايق، سلام!» وقفل السكة في وشها.
داليا ابتسمت بنبرة مستفزة:
«مالك يا عريس؟ مش طايق العروسة ليه من قبل ما تتجوزوا؟»
أحمد بمكر وهو بيقرب منها:
«سيبك منها ومن سريتها برضه.. وتعالي أقولك حاجة مهمة جداً نكسب بيها الوقت.»
أما في الناحية التانية.. في بيت نور، كانت والدتها صفاء بتبصلها بحزن وحيرة.
صفاء: «مالك يا نور؟ في واحدة تكون زعلانة وشايلة طاجن ستها كده وفرحها خلاص الأسبوع الجاي؟! مالك يا بنتي؟»
نور بدموع وحزن دفين: «أحمد متجمد معايا أوي يا أمي.. بحس إنه بيتهرب مني ومش مهتم بالبيت ولا بالجوازة كلها، أنا خايفة.»
في بيت أدهم..
استيقظ أدهم الصبح، ارتدى بدلة سوداء أنيقة وقميص أبيض ناصع، وهبط السلم متجهاً لعمله في الشركة المعمارية. ولكن أمه هنيه أوقفته في منتصف الصالة:
«أدهم يا حبيبي.. عايزاك في موضوع مهم، متخافش مش هعطلك عن شغلك.»
ابتسم لها أدهم بحنان واقترب منها وقبل رأسها وجبينها:
«أنا معنديش أي حاجة في الدنيا تعطيلني عنك يا أمي.. اتفضلي.»
دخل الأوضة وجلس على الأريكة: «ها يا أمي.. إيه الموضوع المهم؟»
