عاصم: بتدخل شوف، بقالنا سنتين في العمارة ومعرفتهاش غير لما أنت شوفتها وقولت لريم عليها. حمزة بشوفه كتير بس مكنتش بتعامل معاه، بس مليكة العمارة كلها بتشهد بأخلاقها وتربيتها.
ريم بفضول: هي معاها تعليم إيه؟
كريم وهو مركز مع كلامهم: واحنا من امتى يا دكتورة ريم بنسأل الأسئلة دي؟ مش فارق معايا التعليم، كفاية هيا. هي فين؟ مشوفتهاش من ساعة ما جيت.
ريم: نايمه، أنتي عارفه أنها تعبانه. ألف سلامة عليها، زعلت جدًا علشانها، هي دلوقتي اتحسنت الحمدلله أحسن بكتير.
قام عاصم من مكانه: نسيبك احنا يا كريم، وألف مبروك مرة تانية.
ريم بابتسامة: ألف مبروك يا دكتور، وحمدلله على سلامة مليكة، بس متنساش تبقي تجيب الأدوية اللي قولت لطنط عليها.
كريم: أدوية إيه؟ أنت مجبتش الأدوية لمليكة؟
ريم: أنا هبقا أكتبهالك على الوتس وابعتلك نتيجة التحليل.
كريم بارتباك من معرفة ريم أمر حمل مليكة: ماشي.
خرج عاصم وزوجته، قفل كريم الباب وهو بيفكر بحزن على معشقته الخائنة. قرب على غرفتها، مليكة أول ما سمعت صوت المفتاح انكمشت على نفسها بخوف. دخل كريم بهدوء، قرب على السرير وجلس، نظر إلى ملامحها المليئة بالكدمات وعينيها المنتفخة وحمرا من البكاء، نظرات الذعر والرعب اللي في عينيها. غمض عينه بتعب: قومي خدي شاور، بقالك يومين مستحمتيش.
نظرت ليه باستغراب، وسندت على الحائط وقامت، كتمت ألمها الشديد بصعوبة، سندت على الحائط لغيط أما خرجت من الغرفة. وصلت المطبخ، شربت المياه بعطش، ودخلت الحمام. وقفت أمام المرايا، نظرت إلى وجهها الشاحب من قلة الأكل والهالات التي تحيط عينيها والكدمات التي تملأ وجهها بل جسدها بأكمله.
خلعت التشرت وهي تنظر بحسرة إلى جسدها الأزرق. عيونها دمعت غصب عنها. قربت على البانيو، أخذت حمام دافئ وهي بيطلع منها صوت أنين ألم. خرجت بعد فترة وهي لابسة البرنس ورفعت شعرها كعكة لفوق. دخلت الغرفة، قربت على الدولاب وهي تشعر بدوخة شديدة من قلة الطعام. خرجت ملابس ولفت، اتفاجأت بكريم واقف أمامها. رجعت للخلف بفزع.
مليكة بدموع: بالله عليك ما تضربني تاني، أنا مفيش في جسمي حتة سليمة تضربني فيها. أكملت ببكاء: والله العظيم ما عملت أي حاجة غلط، تعاله نروح أي معمل تاني نتأكد وتعرف أني مش حامل.
كريم وهو باصص في عينيها بعجز لأول مره ميقدرش يفهم نظراتها: لا، أنا هتأكد بنفسي.
نظرت ليه بخوف شديد. قرب عليها كريم.
بعد فترة كان جالس على طرف السرير ماسك رأسه بين إيده وهو سامع صوت بكاء بانهيارها. شالت الغطاء من عليها وقامت من مكانها وهي تشعر بألم، سندت على الحائط وهي حاسة بدوخة شديدة. حاولت تتحرك من مكانها بس الدوخ
زادت والدنيا بقت بتلف بيها وكل حاجة قدمها بقت باللون الأسود. محستش بحاجة غير بتنميلة. فتحت عينيها بتعب وهي مش فايقة كويس، نظرت حواليها بتشويش، فضلت فترة كدا لغيط أما شافت بوضوح، وجدت كل شئ باللون الأبيض وإلى المحلول المتعلق فيها والممرضة بتغير المحلول.
أنا فين؟ إيه اللي حصل؟
أنتي في المستشفى، حمدلله على سلامتك.
هزت رأسها بتعب: أنا هنا بقالي قد إية؟
بقالك تلت أيام هنا نايمة.
نظرت للسقف بدموع نزلت من عينيها: فيه حد بيسأل عني؟
اه جوز حضرتك مش بيسيبك خالص، كل يوم بيخلص شغله وبيجي يفضل معاكي لغيط تاني يوم.
هبلغ الدكتور انك فوقتي.
خرجت الممرضة، اتجهت نحو مكتب كريم، خبطت ودخلت: دكتور كريم، مدام مليكة فاقت.
