**فى فيلا عمر خيرى:**
حبيبة ذهبت إلى المطبخ لكى تحضر وجبة الغداء لعمر وهي تقول في نفسها: “أى دا أنا أتأخرت أوووى دا زمانه ع وصول بس يستاهل والله لوريه زى معمل فياا… ماشى ي عمر”.
وفى ذلك الوقت جاء لها تلفون من عمر:
* حبيبة (باستغراب): أى دا عمر بيه استر ياارب مبيجيش من وراه غير المصايب.. ألو.
* عمر: إيوا ي حبيبة بقولك متعمليش غدا النهارده.
* حبيبة (باستغراب): ليه؟!
* عمر: آاصل انا كنت ونا جى فى الطريق شوفت محل بيتزا فاتح جديد قلت أجرب.
* حبيبة (بفرحة): بيتزاااا!
* عمر: وعامل حسابك هتتغدى معايا النهارده.
* حبيبة: أوك.
وأغلقت الهاتف: “بقا أنا كنت بقول هأنتقم منه دا أنا غبية أوووى دا هيجبلى بيتزا”.
—
**فى منزل محسن:**
* هند: بابا ااانا ععايزه اااتتكلم مع حضرتك شويا ممكن؟
* محسن: اتفضلى ي حبيبتى.
* هند: لأننا فيه دكتور عععنددى ف الكلية…
* محسن (بخوف): أى ي بنى عملك حاجة قولى!
* هند: لالا أبدا ي بابا هوا بس اتقدملى وقالى أنى أخډ ميعاد من حضرتك عشان يجي هوا وأهله.
* محسن: ونتى تعرفيه منين؟!
قصت له كل ما حدث:
* محسن: شكله إنسان محترم أوووى أنا حبيته من قبل ما أشوفه حتى.
* هند: آه ي بابا محترم جداً.
* محسن: شاكلك موافقة.
* هند: هاا لالا طبعا اللى تشوفه حضرتك.
* محسن: خلاص ي بنى يجوا فى أى وقت يشرفوا.
* هند: طططيب ااانا هدخل أذاكر.
* محسن: ادخلى ي بنى.
—
**فى فيلا عمر خيرى:**
* عمر: حبيبة البيتزا أهى أنا هطلع أخډ شاور ع ما تكونى جهزتى السفرة.
* حبيبة: حاضر.
عمر فى نفسه: “أنا هوريكى مين عمر خيرى ي ست حبيبة ماشى”. وهبط إلى الأسفل وجدها قد جهزت السفرة.
* عمر: اتفضلى.
* حبيبة: ميرسى.
* عمر: إنت مبسوطة كدا ليه؟
* حبيبة: هاا أصلك مش متخيل أنا بحب البيتزا قد أى أكلتى المفضلة أصلا.
* عمر: بجد؟
* حبيبة: أااااه.
* عمر في نفسه: “وهتحبيها أكتر لما تكليها”.
* حبيبة: بتقول حاجة ي عمر بيه؟!
* عمر: هاا أبدا مبقولش أى حاجة يلا كلي ولا هتستنى لما تبرد؟
أجمعت حبيبة قطعت وضعتها فى فمها ثم ردتها مرة أخرى فى وجه عمر!
* عمر: يخربيتك أى اللى إنت هببتيه داا؟!
* حبيبة: يخربيتك إنت إنت أزاى تجيبلى بيتزا بشطة!
وأخذت تبكي وذهبت إلى المطبخ ووضعت بعض حبات السكر في فمها.
* عمر (يضحك عليها بشدة): دى بس قرصة ودن صغيرة ي حبيبة.
* حبيبة (وهي تبكي): منك لله ي شيخ والله لوريك!
* عمر: بتقولى حاجة؟
* حبيبة: لا أبدا ولا حاجة.
ذهب عمر إلى غرفة مكتبه لكى يكمل عمله، وهيا تقول فى نفسها: “والله لوريك ي عمر مين هيا حبيبة”.
—
**فى منزل محسن** حيث يتواجد عامر ووالده ووالدته:
* خيرى (والد عامر): أنا خيرى فوزى والد عامر.
* محسن: اتشرفت بحضرتك.
* خيرى: أنا جاى أطلب إيد بنت حضرتك لعامر.
* محسن: دا شرف ليا أنى أناسب واحد زى حضرتك وأن يبقا زوج بنتي واحد محترم جداً زى الدكتور عامر.
* خيرى (بابتسامة): يعنى نقول مبروك؟
* محسن (بابتسامة): الله يبارك فيك.
وفى ذلك الوقت دخلت هند:
* سعاد (والدة عامر): بسم الله ما شاء الله إنت هند؟
* عامر (بفرحة): إيوا هيا دى هند.
* سعاد: ع فكرة أنا بسألها هيا.
* عامر: هاااا اانا ببس برد ع حضرتك.
ابتسم الجميع على تلعثم عامر:
* خيرى: طب نقرأ الفاتحة.
ومد جميعهم يده وقرأوا الفاتحة، وكانت العائلتين فى قمة الفرح والسعادة.
—
**فى فيلا عمر خيرى:**
كان يجلس فى مكتبه وقد رن تليفونه:
* عمر: ألو.
* الشخص: إيوا ي عمر.
دفق قلب عمر واشتد في تكوير يده وعيناه تملؤهما الغضب لأنه يعرف جیداً من الذى يتحدث معه:
* عمر: أنا مش قلتلك متتصلش بيا تاني إنسانى إنسانى وخليني أنسى اللى شوفته فى حياتى منك حرام عليك!
* الشخص: ي بنى أنا أبوك أنت بتعمل فيا كدا ليه أنا فعلا غلطت وغلطت غلط كبير بس فى النهاية أنا أبوك.
* عمر (بعصبية): متقولش أبوك أنا مليش أب سيبني فى حالى بقاا!
وأغلق عمر هاتفه، وكانت حبيبة تنظم الغرفة ورغماً عنها استمعت إلى المكالمة.
حبيبة فى نفسها: “هو أى الجبروت اللى فى قلبه دا حد يكلم أبوه بالطريقة دى!”.
* عمر (بعصبية): حبيبة!
* حبيبة (بخوف شديد): ن نننعم… ي ععمر بيه.
* عمر: إنت واقفة هنا من أمتا؟
* حبيبة: مممممن سسساعة… مممكنت بنضف الأوضة زي م إينت قلتلي.
* عمر: طيب اطلعى برا.
لم تتفوه حبيبة بكلمة واحدة وخرجت من الغرفة وهى تبكي على قسوته عليها.
خرج عمر من الفيلا وركب سيارته وأخذ يمشى فى الشوارع وأوقف سيارته عند النيل، وفكر فى ماضيه الذى جعله إنسان قاسي القلب وفكر أيضاً فى حبيبة: “طيب هيا ليها ذنب أنا طلبت منها أنها تنضف الأوضة أكيد يعنى مش قاصدة تسمعنى أنا لازم أعتذرلها… أعتذرلها أى أنا عمر خيرى أعتذر لمين لخدمة… يووووه إيوا أعتذرلها”.
كانت سارة ابنة عم حبيبة تجلس على كورنيش النيل هيا وأصدقاؤها وعندما رأت عمر انصدمت وقالت فى فرحة:
* سارة: عمر خيرى!
* نرمين (صديقة سارة): مش دا اللى بيطلع فى التليفزيون أكبر رجل أعمال؟
* سارة: آه هوه أنا هروح أسلم عليه.
* نرمين: مش دا اللى ينضحك عليه؟
* سارة: مش عليااا.
وذهبت سارة عند عمر:
* سارة: عمر صح؟
* عمر (بجمود): مين حضرتك؟
* سارة: آااناا سارة بنت عم حبيبة.
* عمر: أهلاً أزيك ي سارة؟
* سارة: الحمدلله.
* عمر: كنتى عايزة حاجة؟
* سارة: لالا أاانا كنت عايزة أسألك بس ع حبيبة أصلها وحشتنى أووى.
* عمر: حبيبة كويسة.
وتركها عمر وخرج بسيارته قاصداً المنزل.
* نرمين: طنشك ولا أى؟
* سارة (بعصبية): ماعااش… شويا بس وهيسحف تحت رجلي.
* نرمين: أما نشوف.
—
**أما فى الجامعة:**
كان عامر يلقى محاضرة فى مدرج هند، وإذا به يلقى سؤالاً لمن يريد الجواب وإذا بفتاة تجاوب وتتشاور مع عامر، وهند تريد أن تأكلها فهى تعلم نواياها!
وعندما انتهت المحاضرة خرجت هند مسرعة ونادى عليها عامر ولكنها لم تستمع له فخرج وراءها:
* عامر: هند.
* هند: نعم.
* عامر: فى أى؟
* هند: مفيش.
* عامر: طيب إنت خلصتى محاضراتك تعالى نروح أى مطعم نتغدا.
* هند: لا أنا همشى.
* عامر (بعصبية): يلا ي هند.
وأمسكها من يديها وأركبها السيارة وأوقفها عند المطعم الذي يجتمعون فيه:
* عامر: تشربى أى؟
* هند: مش شاربة.
* عامر: لو سمحت واحد قهوة سادة وواحد عصير ليمون.. مش هتقولى مالك؟
* هند: مالى مانا كويسة أهو.
* عامر: لا مش كويسة مالك؟
* هند: يعنى كنت فرحان بنفسك ونت بتكلم البنت الملزقة دى!
خر عامر ضاحكاً ولم يقدر أن يمسك نفسه:
* هند: إنت بتضحك ع أى؟
* عامر: إنت غريانة ولا أى؟
* هند: لا غريانة ولا حاجة.
* عامر: واضح واضح.
* هند: وبعدين أصلا أشمنا هيا مانا كنت رافعة إيدي مخترتنيش ليه؟
* عامر (وهو يضحك): ي حبيبتى مينفعش أنى كنت أقومك إنت.
* هند: ليه؟
* عامر: علشان إنت حبيبتى كانوا هيقولوا أهو مبيقومش غير خطيبته يرضيكى يقولوا عليا كدا؟
* هند: وأشمعنا البت دى؟
* عامر: معلش مش هقومها تاني أستريحتى كدا؟
* هند: آه.
* عامر: طيب هنتغدا ولا هنقضيها كلام؟
* هند: نتغدا.
—
**فى فيلا عمر خيرى:**
حيث كانت تجلس حبيبة فى غرفة الصالون منتظرة وصول عمر حتى يأتى لتحضرله الطعام رغم غضبها منه.
وصل عمر إلى المنزل، وذهبت إلى المطبخ بدون أن تتحدث معه وأحضرت له الطعام وكانت ذاهبة إلى غرفتها ولكن أمسكها عمر من إديها!
خفق قلبها وحاولت أن تفلت يديها ولكن كانت قبضته حديدية:
* عمر: أنا آسف ي حبيبة مكنش قصدي والله.
* حبيبة: كل مرة تغلط غلط أكبر من اللى قبله وبتسامحك أنت مفكر نفسك علشان بيه وكدا أن مفيش حد عنده كرامة لا ي عمر بيه أنا عندى كرامة وكمان متفكرش أن أنا بشتغل خدامة يبقى معنديش كرامة لا، الله أعلم أنا جيت أشتغل هنا ليه ي عمر بيه أنا عندى شهادتي اللى أشتغل بيها فى أى مكان أنا عايزه… بس منه لله اللى كان السبب…
وأخذت فى البكاء وكان عمر ينظر لها وكأن قلبه يحترق على دمعتيها:
* عمر: اهدى بالله عليكى متعيطى… أنا آسف أنا آسف ليكى بجد.
وأخذ يمسح لها دموعها:
* حبيبة: ماشى ي عمر بيه.
* عمر: يعنى مسامحانى؟
* حبيبة: لا طبعا.
* عمر: بجد مكنش قصدي أجرحك إنت متعرفيش اللى أنا مريت بيه… أنا تعذبت فى حياتى أوووى ي حبيبة…
وأخذ يبكي هوا الآخر، وعندما رأته حبيبة فى ذلك الوضع استغربت: أيعقل أن يكون الذى يبكي أمامها ذاك الشخص الأنانى القاسي أيعقل؟!
* حبيبة: خلاص ي عمر بيه متعيطش كفاية.
* عمر (مسح دمعاته المتساقطة): مسامحانى؟!
* حبيبة: أه.
**فى فيلا عمر خيرى:**
* عمر: طيب بالمناسبة دى ممكن نتعشى برا النهارده؟
* حبيبة: هاا لا أصل…
* عمر: مفيش أصل هنتغدا برا النهارده جهزى نفسك يلا.
* حبيبة (بابتسامة): حاضر.
ذهبت حبيبة إلى غرفتها وارتدت بنطال جينز أزرق اللون وبلوزة بيضاء ذات الأكمام الطويلة رقيقة جداً ووضعت قليل من الميكب الذى زادها جمالاً.
أما عمر فارتدى بدلة سوداء ذات قميص أبيض فكانت طلتهم جميلة جداً.
نزل عمر ودق ع باب غرفة حبيبة، خرجت حبيبة من غرفتها:
* عمر: أى الحلاوة دى!
* حبيبة (وعينها فى الأرض وقد احمرت وجنتيها): ميرسى.
وذهبا هما الاثنين إلى المطعم.
“هذه القصة من وحي خيال الكاتب، وأي تشابه بينها وبين الواقع في الأسماء أو الأحداث هو محض صدفة غير مقصودة.”
